पाच तास गप्पा, पॅनकेक अन् २ किलो बटर…; अरेंज मॅरेज पद्धतीने जमलेलं प्रार्थना बेहेरेचं लग्न; पहिल्या भेटीत नेमकं काय घडलेलं?

अभिषेक जावकर हा प्रसिद्ध दिग्दर्शक व निर्माता म्हणून ओळखला जातो. प्रार्थनाच्या जवळच्या मैत्रिणीच्या आईने अभिषेकचं स्थळ प्रार्थनाला सुचवलं होतं. ती देखील अरेंज मॅरेजसाठी तयार झाली आणि अभिषेकला भेटण्याचा निर्णय घेतला.

हेही वाचा : ‘तारक मेहता का उल्टा चष्मा’ फेम अभिनेत्री लवकरच अडकणार लग्नबंधनात; ‘या’ दिवशी वाजणार सनई-चौघडे

प्रार्थना ( Prarthana Behere ) आणि अभिषेकच्या लग्नाला आज बरोबर ७ वर्षे पूर्ण झाली आहेत. यानिमित्ताने लाडक्या नवऱ्याबरोबर रोमँटिक व्हिडीओ शेअर करत प्रार्थनाने त्याला लग्नाच्या वाढदिवसाच्या शुभेच्छा दिल्या आहेत. या दोघांच्या पहिल्या भेटीत नेमकं काय घडलं जाणून घेऊयात…

प्रार्थना बेहेरे व अभिषेकची पहिली भेट

प्रार्थना त्यांच्या पहिल्या भेटीबद्दल सांगताना म्हणाली होती, “आम्ही दोघांनी दुपारी लंचसाठी भेटायचं ठरवलं. आमची १ वाजताची वेळ ठरली होती. त्यामुळे मी आईला सांगितलं. आई १ वाजता जातेय…जास्तीत जास्त २ ते ३ वाजेपर्यंत गप्पा मारेन मग येते. त्यानंतर ४.३० वाजता मला आईचा फोन आला…अगं तू कुठेस? तेव्हा मी आईला म्हणाले, त्याच्याबरोबरच आहे अजून मी तुला फोन करते. त्यानंतर संध्याकाळचे ६ वाजेपर्यंत आम्ही गप्पा मारत होतो. पहिल्याच भेटीत आम्ही पाच तास ( दुपारी १ ते संध्याकाळी ६ ) गप्पा मारल्या.”

हेही वाचा : ‘प्रेमाची गोष्ट’मधून लोकप्रिय अभिनेत्याची एक्झिट! आता हर्षवर्धनच्या भूमिकेत झळकणार ‘हा’ कलाकार, मालिकेत आहे मोठा ट्विस्ट

अभिषेक पुढे म्हणाला, “गप्पा मारताना तिने खूप पॅनकेक्स खाल्ले होते. त्या पॅनकेकबरोबर तिने २ ते ४ किलो बटर खाल्लं होतं.” पहिल्याच भेटीत हे दोघंही एकमेकांच्या प्रेमात पडले होते. यानंतर अभिषेकने प्रार्थनाला ( Prarthana Behere ) लग्नासाठी प्रपोज केलं होतं.

हेही वाचा : अक्षय कुमारच्या २००४ मध्ये प्रदर्शित झालेल्या ‘या’ सिनेमाचा येणार सिक्वेल, चित्रपटाला २० वर्षे पूर्ण होताच निर्मात्यांनी केली घोषणा

अभिषेकने प्रार्थनाला ( Prarthana Behere ) लग्नासाठी विचारल्यावर हे दोघंही एकमेकांना डेट करू लागले. यानंतर १४ नोव्हेंबर २०१७ मध्ये या दोघांचा विवाहसोहळा गोव्यात पार पडला होता. प्रार्थना आणि अभिषेकच्या लग्नाला कुटुंबीय तसेच जवळचे मित्र-मैत्रिणी उपस्थित राहिले होते. आज या जोडप्याच्या लग्नाला सात वर्षे पूर्ण झाल्याच्या निमित्ताने संपूर्ण कलाविश्वातून या दोघांवर शुभेच्छांचा वर्षाव करण्यात येत आहे.