प्रसाद खांडेकरने १४ व्या वर्षी वडिलांना गमावलेलं; त्यांच्या निधनाच्या दिवशी शोधूनही झाली नाही भेट, म्हणाला, “माझे बाबा…”

प्रसाद खांडेकरचे वडील महादेव खांडेकर हे शिवसेनेचे शाखाप्रमुख होते. ‘मित्र म्हणे’ या युट्यूब चॅनेलला दिलेल्या मुलाखतीत प्रसाद म्हणाला, “मी १४ वर्षांचा असताना बाबा गेले. मला वाचनाची आवड त्यांनी लावली होती. मला त्यांनी सांगितलं होतं की रामचंद्र सडेकरांचं ‘सोनेरी टोळी’ हे पुस्तक घेऊन ये आणि वाच. ते पुस्तक मला वाचनालयात सापडत नव्हतं. ते सतत वाचायला असायचं. खूप व्यग्र असायचं ते पुस्तक. एकेदिवशी मला ते सापडलं आणि मी घेऊन आलो.”

आणखी वाचा

“त्या मावशींनी मला शिव्यांची लाखोली…”, ‘आई कुठे काय करते’ फेम मिलिंद गवळींनी सांगितला किस्सा

Vinod Tawde Meeting with Amit Shah: “मराठा मुख्यमंत्री…

मतदारांना आमिषे दाखविण्यास सुरवात; भाईंदरमध्ये मद्य आणि मासळाची साठा जप्त

हिंदी मालिकेच्या सेटवर निशिगंधा वाड यांचा अपघात; तातडीने रुग्णालयात केलं दाखल

Sharad Pawar: “मी बोलायला लागलो की पाऊस येतो आणि निकाल…”, शरद पवारांचं सूचक विधान; पावसातल्या ‘त्या’ सभेची पुन्हा चर्चा!

Ajit Pawar: “मी पेताड, गंजेडी असतो तर ठीक आहे, पण…”, अजित पवारांनी प्रतिभाताई पवारांचा भाषणात केला उल्लेख; म्हणाले…

ऐश्वर्या रायने अभिषेक बच्चनशी लग्न केल्यानंतर सलमान खान म्हणालेला, “माझ्या आयुष्याचा एक…”

फुलंब्रीकर कुटुंबाच्या हॉटेलमध्ये कॉमेडीचा तडका! २० लाखांमुळे येणार अनोखा ट्विस्ट, ‘एकदा येऊन तर बघा’चा ट्रेलर प्रदर्शित

पुढे प्रसाद म्हणाला, “घरी गेल्यावर कळलं की बाबा घरी नाहीत. माझे बाबा शिवसेनेचे शाखाप्रमुख होते. बाबा कामावर गेले होते, मी वाट बघत बसलो. आमची दुधाची डेअरी होती. बाबा कामावरून थेट डेअरीवर जायचे. मी डेअरीवर त्यांची वाट बघत थांबलो. तर मला कळलं की बाबा घरी गेलेत, मला ते पुस्तक त्यांना दाखवायचं होतं. मग मी सायकल घेऊन घरी गेलो तर कळलं बाबा शाखेत गेलेत. मी ते पुस्तक घेऊन शाखेत गेलो. तिथे गेल्यावर कळलं की दुसऱ्या दिवशी सेनेचा भगवा सप्ताह होता तिथे गेलेत. मी तिथेही गेलो, तिथून कळलं की बाबा तिथूनही गेलेत. आणि रात्री अचानक बातमी आली की बाबा गेलेत. ते पुस्तक त्यांना शेवटपर्यंत दाखवायचं राहून गेलं,” अशी वडिलांची आठवण प्रसादने सांगितली.

दरम्यान, प्रसाद खांडेकरच्या आगामी सिनेमाबद्दल बोलायचं झाल्यास यामध्ये मराठीतील आघाडीच्या कलाकारांची मांदियाळी पाहायला मिळणार आहे. सयाजी शिंदे, गिरीश कुलकर्णी, तेजस्विनी पंडित, प्रसाद खांडेकर, ओंकार भोजने, नम्रता संभेराव, विशाखा सुभेदार, भाऊ कदम, पॅडी कांबळे, राजेंद्र शिसटकर, वनिता खरात, रोहित माने, शशिकांत केरकर, सुशील इनामदार, जय चौबे, राकेश शालिन या चित्रपटात प्रेक्षकांना खळखळून हसवणार आहेत.