Video: …अन् प्रसाद ओकवर पत्नी मंजिरी ओक संतापली, व्हिडीओ होतोय व्हायरल

प्रसादने शेअर केलेल्या व्हिडीओत तो त्याची पत्नी मंजिरी ओकला त्याचे मित्र मिळून बँकॉक, फुकेतला जाण्याचा प्लॅन करत असल्याचं सांगतो. आणि तिथे जाण्याची परवानगी मागण्यासाठी येतो. प्रसाद ओकने शेअर केलेल्या व्हिडीओमध्ये त्याची पत्नी पोळ्या लाटून त्या भाजतेय, असं दिसतंय. जेव्हा प्रसाद मंजिरीकडे या ट्रिपची परवानगी मागायला येतो तेव्हा मंजिरी गॅसवर असणारा तवा खाली उतरवून चिमटा गरम करते आणि प्रसादचे ट्रिपविषयीचे सूर बदलतात.

पाहा व्हिडीओ –

[

हेही वाचा…“परमेश्वरा मी थकतोय…”, पुष्कर जोगच्या ‘त्या’ पोस्टने वेधलं लक्ष; म्हणाला, “खूप फसवतात…”

ह

याच व्हिडीओतील मजेशीर गोष्ट म्हणजे जेव्हा प्रसाद फुकेतला जायचं, असं म्हणतो त्याच वेळी मंजिरी चिमटा गरम करते आणि प्रसाद तिथेच “मी का फुकेतचा तिकडे जाऊ? तिथे जाऊन मित्र काय करतात काय माहीत? मी तर तुझ्याबरोबरच जाईन”, असं म्हणतो. प्रसाद असं म्हणाल्यावर मंजिरी पुन्हा तवा गॅसवर ठेवते. हा संवाद झाल्यानंतर प्रसाद निघून जातो आणि पुन्हा येऊन आपण भिवंडीला जाऊयात का तिथे सोफ्याचे मोठमोठे गोडाउन्स आहेत, असं म्हणतो. त्यावर मंजिरी चेहऱ्यावर रागीट भाव प्रकट करत हातानेच प्रसादला शांत करते आणि प्रसाद घाबरून पळून जातो.

हेही वाचा…प्राजक्ता माळीचा देवावर विश्वास आहे का? चाहत्याच्या प्रश्नाचं एका शब्दात दिलं उत्तर, म्हणाली…

प्रसादने फुकेतचा संवाद, असं लिहीत हा व्हिडीओ शेअर केला असून, यावर प्रसादचे चाहते आणि अनेक कलाकार कमेंट्स करत आहेत. अभिजीत खांडकेकरने हा संवाद ‘सोफा’ नसतो, अशी मजेशीर कमेंट केली आहे. तर, अमृता खानविलकरने “हा हा हा पण आपण गोव्याला जाऊया मंजी” अशी कमेंट केली आहे. तर, हास्यजत्रेतील पृथ्वीक प्रतापने आपण भिवंडीला जाऊया का, अशी कमेंट करत हसण्याचा इमोजी पाठवला आहे. तर एका चाहतीने “फुकेटचा चटका मिळता मिळता राहिला”, अशी कमेंट केली आहे.