‘बालक पालक’, ‘टाइमपास’, ‘उर्फी’, ‘टकाटक’ यांसारख्या चित्रपटातून घराघरात पोहोचलेला अभिनेता प्रथमेश परब २४ फेब्रुवारीला लग्नबंधनात अडकला. क्षितिजा घोसाळकरशी लग्न करून प्रथमेशने आयुष्याच्या नव्या प्रवासाला सुरुवात केली. येत्या २४ एप्रिलला प्रथमेश क्षितिजाच्या लग्नाला दोन महिने पूर्ण होती. पण लग्नानंतर एकाच घरात राहूनही प्रथमेश व क्षितिजाला भेटता येत नाही? असं नेमकं का घडतं? जाणून घ्या…
प्रथमेश व क्षितिजा सोशल मीडियावर खूप सक्रिय असतात. प्रथमेश आपल्या आगामी कामासह दैनंदिन जीवनातल्या गोष्टी शेअर करत असतो. क्षितिजा देखील दररोजच्या घडणाऱ्या खास गोष्टी सांगत असते. त्यामुळे लग्न झाल्यापासून प्रथमेश व क्षितिजा कायम चर्चेत असतात. १४ एप्रिलला दोघं डेट आणि डिनरला गेले होते. यासंदर्भातले फोटो शेअर करून क्षितिजाने एकाच घरात राहून एकमेकांना भेटता येत नसल्याचं सांगितलं.
हेही वाचा – Video: रणवीर सिंहपेक्षा जबरदस्त डान्स करतो ‘जवान’ चित्रपटाचा दिग्दर्शक अ‍ॅटली, पाहा व्हिडीओ
१४ एप्रिलला प्रथमेश व क्षितिजाच्या साखरपुड्याला दोन महिने पूर्ण झाल्यानिमित्ताने दोघं डेट आणि डिनरला गेले होते. याचा फोटो शेअर करत क्षितिजाने लिहिलं होतं, “एका घरात राहून सुद्धा, जेव्हा शूट, नाइट शिफ्ट आणि ऑफिस यामुळे कित्येक दिवस एकमेकांना भेटता येत नाही. तरीही वेळ काढून तुमचे स्पेशल डे तुम्ही आवर्जुन साजरे करता.” यादिवशी प्रथमेश व क्षितिजाने ‘मडगांव एक्सप्रेस’ चित्रपट बघितला होता.
दरम्यान, प्रथमेश-क्षितिजाची पहिली ओळख इन्स्टाग्रामवर झाली होती. त्यानंतर इन्स्टाग्रामवर गप्पा मारत-मारत दोघांमध्ये चांगली मैत्री झाली. ‘टाइमपास ३’च्या चित्रीकरणादरम्यान पहिल्यांदाच प्रथमेश व क्षितिजा भेटले. यानंतर दोघांची मैत्री आणखी दृढ झाली आणि मैत्रीचं रुपांतर प्रेमात झालं.
