प्रथमेश परबच्या साखरपुड्यात अंगठीची होतेय चर्चा! अनोख्या डिझाइनने वेधलं लक्ष, पाहा फोटो

प्रथमेशने “आमच्या प्रेमकहाणीचं पुढचं पान सुरू करण्यासाठी आम्ही तयार आहोत” असं कॅप्शन देत साखरपुड्यातील वेस्टर्न लूकचे काही फोटो सोशल मीडियावर शेअर केले आहे. या जोडप्याने एकमेकांना अंगठी घालताना पारंपरिक लूक केला होता. तर डान्स करताना व केक कापताना दोघांनीही वेस्टर्न लूक केल्याचं पाहायला मिळालं.

हेही वाचा : आशुतोष गोवारीकर : ऑस्करवारी करणारा ‘लगान’ ते काळजाला भिडणारा ‘स्वदेस’! भारतीय सिनेमाला इतिहासाची जोड देणारा मराठमोळा दिग्दर्शक

प्रथमेशने शेअर केलेल्या फोटोंमध्ये सर्वाधिक लक्ष या दोघांच्या हिऱ्यांच्या अंगठ्यांनी वेधलं आहे. या अंगठीवर आकर्षक डिझाइन करण्यात आली आहे. प्रथमेशच्या इंग्रजी नावानुसार ‘पी’ हे अक्षर, तर क्षितिजाच्या नावातील ‘के’ हे अक्षर या दोन्ही अक्षरांची झलक (KP) त्यांच्या अंगठीमध्ये पाहायला मिळत आहे.

हेही वाचा : “आमचा व्हॅलेंटाईन डे…”, थाटामाटात पार पडला प्रथमेश परबचा साखरपुडा; सोशल मीडियावर जुळली रेशीमगाठ

दरम्यान, प्रथमेश-क्षितिजाची पहिली ओळख इन्स्टाग्रामवर झाली होती. पुढे हळुहळू त्यांच्या मैत्रीचं रुपांतर प्रेमात झालं. अभिनेत्याने पहिल्यांदा १४ फेब्रुवारी २०२० रोजी व्हेलेंटाईन डेची फोटोशूट सीरिज पाहून क्षितिजाला मेसेज केला होता. आता येत्या २४ फेब्रुवारीला ही जोडी लग्नंबधनात अडकणार आहे.