अभिनेता पुष्कर श्रोत्री त्याच्या 'हॅप्पी गो लकी' स्वभामुळे प्रत्येकाला जवळचा वाटतो. मालिका, चित्रपट, नाटक, वेबसीरीज या साऱ्या माध्यमांमध्ये लीलया वावरणारा हा अभिनेता आता एका नव्या भूमिकेत दिसणार आहे. काही महिन्यांपीर्वीच ‘३६ गुण’ या चित्रपटाची घोषणा झाली होती. चित्रपटाच्या घोषणेपासूनच हा चित्रपट चर्चेत आहे. याच चित्रपटात पुष्कर हटके भूमिकेत दिसणार आहे. आणखी वाचा : Bigg Boss 16: ‘बिग बॉस’च्या घरात येणार नवा ट्विस्ट, होणार कतरिना कैफची एंट्री आणि… ‘३६ गुण’ या चित्रपटात पुष्करचा वेगळा अंदाज प्रेक्षकांना यात पहायला मिळेल. पुष्कर ‘समुपदेशक’ म्हणून काम करणार आहे. गैरसमजामुळे विस्कटलेल्या नात्यांमध्ये सुसंवाद घडवून आणण्याच्या कामासाठी पुष्करने पुढाकार घेतला आहे. आपल्या भूमिकेबद्दल बोलताना पुष्कर सांगतो की, "‘समुपदेशक’ सुसंवादासाठी प्रयत्न करतोच पण त्याच्या या प्रयत्नाला समोरच्याचा प्रतिसादही तितकाच महत्त्वाचा असतो. कोणत्याही नात्यामध्ये मनं जुळायला हवीत. ती जुळली की, नात्याचा समतोल साधला जातो, हे अधोरेखित करणारा हा चित्रपट आहे. लग्न झालेल्या व न झालेल्या प्रत्येकाने हा चित्रपट पहायला हवा." हेही वाचा : “मराठी कलासृष्टीसाठी कालचा संवाद….” प्रसाद ओकची ‘ती’ पोस्ट चर्चेत या चित्रपटात संतोष जुवेकर आणि पूर्वा पवार मध्यवर्ती भूमिकेत असून त्यांच्यासोबत पुष्कर श्रोत्री, विजय पाटकर, वैभव राज गुप्ता, स्वाती बोवलेकर हे कलाकार आहेत. समित कक्कड दिग्दर्शित '३६ गुण' चित्रपट ४ नोव्हेंबरला प्रेक्षकांच्या भेटीला येतोय.
