लेखक-दिग्दर्शक दिग्पाल लांजेकर यांच्या ‘श्री शिवराज अष्टक’मधील पाचव्या चित्रपटाची काही दिवसांपूर्वीच घोषणा झाली. ‘फर्जंद’, ‘फत्तेशिकस्त’, ‘पावनखिंड’, ‘शेर शिवराज’ या चार ऐतिहासिक चित्रपटांनंतर ‘सुभेदार’ चित्रपट लवकरच प्रेक्षकांच्या भेटीला येणार आहे. या चित्रपटाची प्रेक्षक खूप आतुरतेने वाट बघत होते. या चित्रपटाच्या प्रदर्शनाची तारीख काही दिवसांपूर्वीच जाहीर करण्यात आली. आता या चित्रपटाचं नवीन पोस्टर प्रदर्शित करण्यात आलं आहे.
गेले अनेक दिवस या चित्रपटाची चर्चा आहे. हा चित्रपट आधी जून महिन्यात प्रदर्शित होणार होता. एक पोस्टर शेअर करून ही तारीख जाहीर करण्यात आली होती. मात्र काही कारणाने या चित्रपटाच्या प्रदर्शनाची तारीख पुढे ढकलण्यात आली. हा चित्रपट कधी प्रदर्शित होणार याकडे सर्वांचं लक्ष लागलं होतं. या चित्रपटाच्या टीझरलाही चांगला प्रतिसाद मिळाला. या टीझरमधून या चित्रपटाच्या प्रदर्शनाची तारीख जाहीर करण्यात आली. तर आता या चित्रपटाचं नवीन पोस्टर समोर आलं आहे.
या चित्रपटाचे दिग्दर्शक दिग्पाल लांजेकर आणि या चित्रपटातील कलाकारांनी या चित्रपटाचं नवीन पोस्टर शेअर केलं. या पोस्टरमध्ये तानाजी मालुसरे यांची भूमिका साकारणारे अभिनेते अजय पुरकर यांची झलक दिसत आहे. हे पोस्टर शेअर करत टीमने लिहिलं, “शिवाजी राजांचं अन् भगव्याचं रक्षन कराया आमी मराठे छातीचा कोट करून हुबं हाओत…हर हर महादेव !! अजय पुरकर सुभेदार तानाजी मालुसरे यांच्या भूमिकेत…” हा चित्रपट २५ ऑगस्ट रोजी चित्रपटगृहात प्रदर्शित होईल.
या पोस्टवर कमेंट करत आता नेटकरी या चित्रपटाबद्दलची उत्सुकता व्यक्त करत आहेत. या चित्रपटातून सुभेदार तानाजी मालुसरे यांनी सिंहगडावर दाखवलेला पराक्रम मोठ्या पडद्यावरून उलगडला जाणार आहे.
