शाहरुख खानवरही भारी पडला रितेश देशमुख, 'पठाण' असूनही ४५ दिवसांमध्ये 'वेड'ने कमावले इतके कोटी | riteish deshmukh genelia deshmukh ved marathi movie box office collection after 45 days see details

रितेश देशमुख व जिनिलीया देशमुखच्या 'वेड' चित्रपटाची कौतुकास्पद कामगिरी, आतापर्यंत कमावले इतके कोटी

एखादा हिंदी चित्रपट प्रदर्शित झाला की मराठी चित्रपटांना थिएटर किंवा स्क्रिन्स न मिळणं हा मुद्दा बऱ्याचदा चर्चेचा विषय ठरतो. मराठी चित्रपटांना प्राईम टाइम शो व स्क्रिन्स मिळत नाहीत याबाबत अनेक चर्चाही रंगतात. शाहरुख खानचा ‘पठाण’ चित्रपट प्रदर्शित होण्यापूर्वी असंच काहीसं घडलं. रितेश देशमुख व जिनिलीया देशमुखच्या ‘वेड’ चित्रपटाला शाहरुखच्या चित्रपटाचा फटका बसणार असं बोललं जात होतं. पण प्रत्यक्षात काही वेगळंच चित्र पाहायला मिळत आहे.

आणखी वाचा – ‘बिग बॉस १६’च्या विजेतेपदासाठी तू योग्य नाही म्हणणाऱ्यांना एमसी स्टॅनचं सडेतोड उत्तर, म्हणाला, “जे लोक जळतात…”

शाहरुख खानच्या ‘पठाण’ चित्रपटाला प्रेक्षकांचा प्रचंड प्रतिसाद मिळाला. पण त्याचबरोबरीने रितेश व जिनिलीयाचा ‘वेड’ चित्रपट पाहण्यासाठीही प्रेक्षक चित्रपटगृहामध्ये जात होते. अजूनही हा चित्रपट चित्रपटगृहांमध्ये दाखवला जात आहे. ‘सैराट’ चित्रपटानंतर सर्वाधिक कमाई करणारा हा दुसरा मराठी चित्रपट ठरला.

‘वेड’ प्रदर्शित होऊन ४५ दिवस उलटले आहेत. तरीही या चित्रपटाची क्रेझ कायम आहे. या चित्रपटाने आतापर्यंत केलेली कमाई खरंच कौतुकास्पद आहे. या चित्रपटाने आतापर्यंत किती कोटी कमावले याबाबत रितेशने एक पोस्ट शेअर केली आहे. तसेच चित्रपटाच्या कमाईची आकडेवारी सांगितली आहे.

आणखी वाचा – Video : …अन् नागपूर विमानतळावरील ‘ते’ दृश्य पाहून शिव ठाकरेही थक्क झाला, नेमकं घडलं तरी काय?

देशभरात या चित्रपटाने आतापर्यंत ७३ कोटी ५० लाख रुपयांपर्यंत कमाई केली आहे. चित्रपट प्रदर्शित होऊन दिड महिना उलटल्यानंतरही ‘वेड’ करत असलेली कमाई पाहून सगळ्यांनाच आश्चर्याचा धक्का बसला आहे. हा चित्रपट आता १०० कोटी रुपयांचा टप्पा गाठणार का? हे पाहावं लागेल.

First published on: 15-02-2023 at 13:32 IST

Web Title: Riteish deshmukh genelia deshmukh ved marathi movie box office collection after 45 days see details kmd

शाहरुख खानवरही भारी पडला रितेश देशमुख, ‘पठाण’ असूनही ४५ दिवसांमध्ये ‘वेड’ने कमावले इतके कोटी

रितेश देशमुख व जिनिलीया देशमुखच्या 'वेड' चित्रपटाची कौतुकास्पद कामगिरी, आतापर्यंत कमावले इतके कोटी