रितेश देशमुख व जिनिलीया देशमुख यांचा ‘वेड’ चित्रपट बॉक्स ऑफिसवर धुमाकूळ घालत आहे. तिसऱ्या आठवड्यातही ‘वेड’ चित्रपटाची यशस्वी घौडदोड सुरू आहे. लवकरच हा चित्रपट ५० कोटींचा टप्पा गाठणार आहे. बॉक्स ऑफिसवर हा चित्रपट यशस्वी वाटचाल करत असताना रितेश देशमुखने चित्रपटाबाबत मोठी घोषणा केली आहे.
‘वेड’ चित्रपटाला दिलेल्या प्रतिसादाबाबत रितेशने इन्टाग्राम लाइव्हद्वारे प्रेक्षकांशी संवाद साधत त्यांचे आभार मानले. याबरोबरच रितेशने चित्रपटाबाबत एक मोठी घोषणा केली आहे. येत्या शुक्रवारपासून म्हणजेच २० जानेवारीपासून ‘वेड’ चित्रपटाचं नवीन व्हर्जन प्रदर्शित करण्यात येणार आहे. म्हणजेच चित्रपटातील एडिट केलेलं काही सीन या चित्रपटात दाखवून ‘वेड’ पुन्हा प्रदर्शित करण्यात येणार आहे. याबरेबरच श्रावणी व सत्याचं एक रोमॅंटिक गाणंही चित्रपटात दाखवण्यात येणार आहे. तसंच चित्रपटाच्या शेवटी दिसणारं सलमान खान व रितेशचं गाणंही चित्रपटाच्या या नवीन व्हर्जनमध्ये दाखविण्यात येणार आहे. प्रेक्षकांच्या आग्रहास्तव चित्रपटात हे बदल केलं असल्याचं, रितेशने सांगितलं आहे.
हेही वाचा>> ‘घर मोहे परदेसिया’ गाण्यावर थिरकली मुकेश अंबानींची धाकटी सून; मेहेंदी सोहळ्यातील व्हिडीओ व्हायरल
रितेशने ‘वेड’ चित्रपटाबाबत आणखी एक घोषणा त्याच्या इन्स्टाग्राम लाइव्हमधून केली आहे. २० जानेवारीला ‘वेड’ चित्रपट ९९ रुपयांत पाहता येणार आहे. शुक्रवारी २० जानेवारीला सिनेमा लव्हर्स डे सेलिब्रेट करण्यात येणार असल्यामुळे सगळे चित्रपट ९९ रुपयांत पाहता येणार आहेत. त्यामुळे वेड चित्रपटाचं तिकिटंही अवघ्या ९९ रुपयांत मिळणार असल्याचं रितेशने सांगितलं आहे.
हेही वाचा>>“…म्हणून मी चांगली आई झाले”, जिनिलीया देशमुखने मुलांबाबत केलेलं वक्तव्य चर्चेत
‘वेड’ या चित्रपटातून रितेशने दिग्दर्शन क्षेत्रात पाऊल टाकलं आहे. तर जिनिलीयाचा हा पहिलाच मराठी चित्रपट असून या निमित्ताने तिने तब्बल १० वर्षांनी मोठ्या पडद्यावर कमबॅक केलं आहे.
