रितेश-जिनिलीयाचं ‘वेड’ प्रेक्षकांना भावलं, वर्षाच्या पहिल्याच दिवशी ‘इतके’ कोटी कमावत चित्रपटाची कौतुकास्पद कामगिरी

या चित्रपटातून रितेशने दिग्दर्शनात पदार्पण केलं या त्याची पत्नी जिनिलीया देशमुख हिने मराठी मनोरंजन सृष्टीत पाऊल टाकलं आहे. अशा परिस्थितीतही रितेश आणि जिनिलीया प्रेक्षगकांचं मन जिंकण्यात कुठेही कमी पडलेले नाहीत. अनेक दिवस रितेश आणि जिनिलीया त्यांच्या ‘वेड’ या चित्रपटाचं जोरदार प्रमोशन करत होते. त्यांच्या चित्रपटाने प्रेक्षकांना चांगलीच भुरळ घातली आहे. तीन दिवसातच या चित्रपटाने १० कोटींहून अधिक गल्ला जमावला आहे.

आणखी वाचा : “आमची मुलं दरवेळी मीडियाला हात जोडून नमस्कार करतात कारण…” अखेर रितेश-जिनिलीयाने सांगितली यामागची गोष्ट

‘वेड’ या चित्रपटाला सर्वत्र खूप चांगला प्रतिसाद मिळत आहे. चित्रपट समीक्षक तरण आदर्श यांनी दिलेल्या रिपोर्टनुसार या चित्रपटाने पहिल्याच दिवशी म्हणजे शुक्रवारी २.२५ कोटींची कमाई केली होती. पहिल्या दिवशी केलेल्या कमाईमुळे हा चित्रपट महाराष्ट्रातील टॉप ५ दमदार ओपनिंग करणाऱ्या यादीत सामील झाला. तर दुसऱ्या दिवशी म्हणजे शनिवारी या चित्रपटाने ३.५ कोटींचा गल्ला जमवला. नवीन वर्षाच्या पहिल्या दिवशीही या चित्रपटाला प्रेक्षकांनी उत्कृष्ट प्रतिसाद दिला. काल म्हणजेच १ जानेवारी रोजी या चित्रपटाने ४.५ कोटींची कमाई करत आतापर्यंत एकूण कमाईचा १० कोटींचा आकडा पार केला आहे. या चित्रपटाला फक्त महाराष्ट्रातच नव्हे तर महाराष्ट्राच्या बाहेरही उत्तम प्रतिसाद मिळताना दिसत आहे.

हेही वाचा : “घरात राजकारणाची पार्श्वभूमी असूनही मी मनोरंजन सृष्टीत आलो तेव्हा आई-वडिलांनी…” रितेश देशमुखने केला खुलासा

या चित्रपटाच्या टिझरला, सगळ्या गाण्यांना आणि ट्रेलरला प्रेक्षकांनी खूप भरभरून प्रतिसाद दिला होता. त्यामुळे चित्रपटगृहातही हा चित्रपट चांगलीच कामगिरी करणार विश्वास सगळ्यांना होता. या चित्रपटात रितेश-जिनिलियाबरोबरच अभिनेते अशोक सराफ, शुभंकर तावडे, जिया शंकर यांच्याही महत्वपूर्ण भूमिका आहेत. प्रमाणे अभिनेता सलमान खान या चित्रपटात पाहुण्या कलाकाराच्या भूमिकेत झळकला आहे.