आवडता मराठी चित्रपट कोणता? रोहित शेट्टी म्हणाला, “मला निळू फुलेंचा…”

“उत्तम अभिनय येतो म्हणून नखरे…” रोहित शेट्टीने सांगितलेलं मराठी कलाकारांना चित्रपटांत घेण्यामागचं कारण

आपल्या चित्रपटांच्या कमाईत ६० टक्के वाटा हा महाराष्ट्राचा आहे, असं म्हणणारा रोहित मराठी कलाकारांना आवर्जून त्याच्या चित्रपटांमध्ये घेतो. आता तर त्याने मराठी चित्रपटही बनवला आहे. त्याच्या या चित्रपटात ‘नागीन’ फेम अभिनेत्री तेजस्वी प्रकाश व करण परब मुख्य भूमिकेत दिसणार आहेत. सध्या या चित्रपटाच्या प्रमोशनमध्ये सगळे कलाकार व्यग्र आहेत.

आधी नीतू कपूरनी रणबीरच्या एक्स गर्लफ्रेंड्सना लगावला टोला; आता कतरिनाच्या आईने दिलं उत्तर? पोस्ट चर्चेत

मराठीत पदार्पणासाठी ‘स्कूल, कॉलेज आणि लाईफ’ हाच चित्रपट का निवडला, असा प्रश्न एका मुलाखतीत रोहितला विचारण्यात आला. त्यावर उत्तर देत रोहित म्हणाला, “या सिनेमाबद्दल सगळ्यात महत्वाची गोष्ट म्हणजे हा ‘रोहित शेट्टी’चा सिनेमा नाही. तुम्ही पाहाल तर कळेल की खूप साधा असा हा विषय आहे. प्रत्येकाला त्याच्या शाळा, कॉलेजच्या आठवणींशी जोडणारा आहे. हा चित्रपट पाहिल्यावर एखाद्याला त्याचं जुनं प्रेम आठवेल तर कोणाला ब्रेकअपची आठवण होईल. त्यामुळे सिनेमात एखादा तरी असा सीन असेल की तुम्हाला वाटेल हे माझ्यासोबतही घडलं आहे. म्हणूनच याच चित्रपटाची निर्मिती करायचं ठरवलं.”

परिणीती चोप्राशी लग्नाच्या चर्चा; खासदार राघव चड्ढांनी दिली मोठी अपडेट, म्हणाले, “तुम्हाला सेलिब्रेशन…”

रोहित शेट्टीचं मराठीशी खास कनेक्शन आहे आणि त्याला आधीपासूनच मराठी चित्रपटही आवडतात. तुझा आवडता कोणता मराठी चित्रपट आहे, जो तुला प्रेरित करतो, असं विचारल्यावर रोहितने लहानपणीची आठवण सांगितली. “लहानपणी दूरदर्शनवर शनिवारी मराठी आणि रविवारी हिंदी चित्रपट लागायचे. तेव्हा मी अनेक मराठी चित्रपट पाहिले. त्यापैकी ‘पिंजरा’ हा माझा सर्वात आवडता चित्रपट होता. लहानपणी कुटुंबातील सर्वजण एकत्र येऊन दूरदर्शनवर चित्रपट बघायचे. ती एक प्रथाच झाली होती. त्यामुळे शनिवारी दुरदर्शनवर लागणारे अनेक मराठी चित्रपट मी पाहिले होते,” असं रोहित शेट्टीने सांगितलं.