अमेरिकेत टी-२० विश्वचषक स्पर्धा चालू आहे. या स्पर्धेत गुरुवारी पाकिस्तान व युएसए संघादरम्यान सामना झाला. या सामन्यात नवख्या युएसएने पाकिस्तानला हरवलं. या लाजिरवाण्या पराभवाबद्दल पाकिस्तानच्या संघावर टीका होत आहे, तर दुसरीकडे युएसए संघाचं कौतुक होत आहे. गुरुवारी (६ जून रोजी) झालेल्या सामन्यात सुपर ओव्हरमध्ये युएसएच्या संघाने पाकिस्तानला धुळ चारली. या सामन्याचा हिरो मराठमोळा गोलंदाज सौरभ नेत्रावळकर हिरो ठरला. युएसएने पाकिस्तानला पराभूत केल्यानंतर सौरभची सोशल मीडियावर खूपच चर्चा होत आहे. सुपर ओव्हरमध्ये सौरभने एक बळी घेतला आणि युएसएने सामना जिंकला. यानंतर सौरभवर कौतुकाचा वर्षाव होत आहे. अनेक भारतीय क्रिकेटपटू सौरभच्या गोलंदाजीचं कौतुक करत आहेत. अशातच मराठी संगीतकार व गायक यांनी सौरभचा एक व्हिडीओ शेअर करत खास पोस्ट केली आहे. T20 WC 2024: मुंबईचा मराठमोळा इंजिनियर कसा झाला अमेरिकेचा फास्ट बॉलर; आता भारताविरुद्धच परजणार अस्त्रं सौरभ या व्हिडीओत सलील कुलकर्णींच्या 'एकदा काय झालं' या चित्रपटातील 'रे क्षणा थांब ना' हे गाणं गाताना दिसतोय.रे क्षणा थांब ना…गाताना क्रिकेटपटू सौरभ नेत्रावळकर.. ज्याने टी-२० विश्वचषकात पाकिस्तानला हरवण्यासाठी आणि यूएसए संघाला सामना जिंकून देण्यासाठी ती शानदार सुपर ओव्हर टाकली.हा व्हिडीओ पाहून खूप भारी वाटतंय.. एक सॉफ्टवेअर इंजिनिअर..जो भारतासाठी अंडर-१९ विश्वचषक खेळला आणि आता तो यूएस क्रिकेट संघाचा महत्त्वाचा भाग आहे… हा प्रवास नक्कीच सोपा नसेल…( असं मी एका प्रोफेशनल क्रिकेटपटू मुलीचा बाबा म्हणून सांगू शकतो.) ( P.S - सौरभ… भावा..भारताबरोबर १२ तारखेला खेळताना just take it easy .. बाकी एरवी मग तुला full support आहेच..) त्याने "एकदा काय झालं" च्या रिलीजपूर्वी हा व्हिडीओ शेअर केला होता!! असं कॅप्शन सलील कुलकर्णींनी सौरभचा व्हिडीओ शेअर करत लिहिलं आहे. सलील कुलकर्णींनी शेअर केलेल्या या व्हिडीओवर नेटकरी कमेंट्स करून सौरभ नेत्रावळकरचं कौतुक करत आहेत. अनेकांनी सौरभच्या या व्हिडीओवर रेड हार्ट इमोजी कमेंट केले आहेत. दरम्यान, सौरभला गायणाची खूप आवड आहे. त्याचं इन्स्टाग्राम अकाउंट पाहिल्यास त्यावर त्याने गायलेल्या अनेक मराठी गाण्यांचे व्हिडीओ आहेत. ‘तुला मानलं भाऊ’, पाकिस्तानला हरवणाऱ्या सौरभसाठी सुर्यकुमार यादवची खास पोस्ट कोण आहे सौरभ नेत्रावळकर? यूएसए संघाच्या विजयाचा हिरो ठरलेला सौरभ नेत्रावळकर हा मुळचा मुंबईचा आहे. सॉफ्टवेअर इंजिनिअर असलेला सौरभ आता अमेरिकेत राहतो. तो २०१० मध्ये झालेल्या अंडर-१९ विश्वचषकात भारताकडून खेळला होता. आता तो नवख्या यूएसए संघाकडून टी-२० विश्वचषक स्पर्धा खेळत आहे.
