“एखाद्याने स्वप्न पाहावे आणि पूर्ण करावे तर असे”, देवेंद्र फडणवीस तिसऱ्यांदा मुख्यमंत्री झाल्यानिमित्ताने सलील कुलकर्णींची खास पोस्ट, म्हणाले…

सलील कुलकर्णींनी एक जुना फोटो शेअर करत पोस्ट लिहिली आहे. या फोटोमध्ये त्यांच्यासह मुख्यमंत्री देवेंद्र फडणवीस आणि मुरलीधर मोहोळ पाहायला मिळत आहे. हा फोटो शेअर त्यांनी लिहिलं आहे की, माननीय देवेंद्रपंत…मनःपूर्वक अभिनंदन…दहा वर्षांपूर्वी…म्हणजे २०१४ मध्ये परममित्र मुरलीअण्णांनी आयोजित केलेल्या कोथरूड महोत्सवात मिळालेल्या पुरस्काराच्या निमित्ताने झालेली ही देवेंद्रजी फडणवीस यांची झालेली पहिली निवांत भेट…त्याचा हा फोटो…गुरू जयमालाबाई आणि कीर्ती शिलेदार यांच्या उपस्थितीत मिळालेला हा पुरस्कार.

हेही वाचा – ‘या’ दोन लोकप्रिय मराठी मालिका लवकरच होणार बंद; एक तर पाच महिन्यांपूर्वीच झालेली सुरू

पुढे सलील कुलकर्णींनी लिहिलं, “ही भेट देवेंद्रजीनाही अजून लक्षात आहे ही या माणसाची कमाल आहे…या माणसाकडे काहीतरी वेगळीच शांतता आहे…समाज माध्यमावर झालेली टीका…कुटुंबीयांची झालेली चेष्टा…या माणसाने ज्या पद्धतीने हाताळली…ही गोष्ट स्पृहणीय आहे. या फोटोत एकीकडे तेव्हाचे नगरसेवक आणि आताचे केंद्रीय मंत्री आणि खासदार मुरलीअण्णा मोहोळ आहेत आणि एकीकडे तेव्हाचे युवा प्रदेशाध्यक्ष आणि आत्ताचे मुख्यमंत्री देवेंद्रजी आहेत.”

“दोघांनीही निष्ठा आणि कष्ट यातून मिळवलेलं यश अभिमानास्पद आहे…आणि त्यांच्याशी आपण सहज बोलू शकतो, आपलं म्हणणं मांडू शकतो अशी ही दोन माणसं…एखाद्याने स्वप्न पाहावे आणि पूर्ण करावे तर असे…’मी पुन्हा येणार’ म्हणणारा माणूस…पुन्हा आला…तो सुद्धा दिमाखात…सगळ्या साथीदारांना बरोबर घेऊन…महाराष्ट्राचे मुख्यमंत्री माननीय देवेंद्रजी फडणवीस यांचे मनःपूर्वक अभिनंदन…माननीय एकनाथ शिंदे आणि अजितदादा यांचेही मनापासून अभिनंदन,” अशी पोस्ट सलील कुलकर्णींनी लिहिली आहे.

हेही वाचा – ‘आई आणि बाबा रिटायर होत आहेत!’ मालिकेसाठी अशोक सराफांनी निवेदिता यांना दिला होता ‘हा’ सल्ला; काय म्हणाले? वाचा…

हेही वाचा – “तुमच्यामधील केमिस्ट्री…”, ‘आई आणि बाबा रिटायर होत आहेत!’ मालिकेबद्दल लीना भागवत यांची प्रतिक्रिया, म्हणाल्या…

दरम्यान, सलील कुलकर्णींच्या या पोस्टवर अनेकांनी प्रतिक्रिया दिल्या आहे. “महाराष्ट्राच्या राजकारणातील आर्य चाणक्य म्हणजेच देवेंद्र फडणवीस”, “देवेंद्र फडणवीसांच्या सहनशक्तीची खरंच कमाल आहे”, अशा प्रतिक्रिया नेटकऱ्यांच्या उमटल्या आहेत.