अभिनेत्री क्रांती रेडकर आणि एनसीबी अधिकारी समीर वानखेडे २०१७ मध्ये विवाहबंधनात अडकले. दोघेही एकमेकांना जवळपास १९९७ पासून ओळखत होते. कॉलेजच्या दिवसांमध्ये होणारी भांडणं ते पुढे जाऊन झालेलं प्रेम हा संपूर्ण प्रवास दोघांनीही आरजे अनमोल आणि अभिनेत्री अमृता राव यांच्या ‘कपल ऑफ थिंग्ज’ या कार्यक्रमात सांगितला. या वेळी समीर वानखेडेंनी क्रांतीवर असलेले प्रेम, तिच्या सवयी अशा अनेक गोष्टींबाबत खुलासा केला.
हेही वाचा : कोट्यवधींची मालकीण असणाऱ्या भूमी पेडणेकरची पहिली कमाई माहितीये का? ‘या’ ठिकाणी करत होती काम
कॉलेज संपल्यावर क्रांती रेडकर आणि समीर वानखेडे दोघेही एकमेकांना २०१० मध्ये ९ वर्षांनी विमानतळावर भेटले. दोघांनी एकमेकांचे नंबर घेतले याच कालावधीत समीर वानखेडे यांच्या पहिल्या घटस्फोटाची प्रक्रिया सुरु होती. पुढे जवळपास ५ वर्षांनी दोघांनीही मनातील भावना व्यक्त करून २०१७ मध्ये लग्नगाठ बांधली. आज या जोडप्याला झिया आणि जायदा नावाच्या दोन जुळ्या मुली आहेत. क्रांती या दोघींचा चेहरा न दाखवता त्यांचे अनेक व्हिडीओ आणि किस्से सोशल मीडियावर शेअर करत असते.
हेही वाचा : अलिबागमध्ये तयार होणार विराट-अनुष्काचं आलिशान फार्महाऊस, किंमत ऐकून व्हाल थक्क
बायको क्रांती रेडकरविषयी सांगताना समीर वानखेडे म्हणाले, “आज २६ वर्ष मी क्रांतीला ओळखतो. पुढच्या जन्मात सुद्धा मला तुझ्यासारखी बायको मिळू दे हे कायम मी तिला सांगत असतो. २०१० मध्ये तिने माझा पहिल्यांदा फोन नंबर घेतला होता. आज कितीही काम असले तरी मी तिचा फोन उचलण्याचा नेहमी प्रयत्न करतो.”
हेही वाचा : “…तेव्हा माझ्या डोळ्यात पाणी आलं”, चिन्मय मांडलेकरने सांगितला किस्सा; म्हणाला, “महाराजांची भूमिका साकारणे…”
“क्रांतीचा फोन आल्यावर आजही माझ्या मनात पूर्वीप्रमाणे उत्सुकता असते. मला आजही तिच्याशी फोनवर बोलायला प्रचंड आवडतं आणि मी तिचा फोन कधीच कट करत नाही… नेहमी वेळात वेळ काढून उचलतो.” असे समीर वानखेडे यांनी सांगितले.
