मराठी कलाविश्वात हरहुन्नरी कलावंताची कमी नाही, यातीलच एक नाव म्हणजे अभिनेते संजय मोने. खुमासदार लेखणीने जितके ते प्रसिद्ध, तितकेच अभिनेते म्हणून देखील श्रेष्ठ आहेत. नाटक, मालिका, चित्रपट अशा माध्यमांमधून ते कायमच प्रेक्षकांचे मनोरंजन करत असतात. किस्से सांगणे यात त्यांचा हातखंडा आहे. यासाठी ते कलाविश्वात प्रसिद्ध देखील आहेत. नुकतच संजय मोने यांनी त्यांच्या ३६ वर्षाच्या करिअरबाबत मोठं विधान केलं आहे. हेही वाचा- “मला ‘हे’ दुःख गेले चार-पाच दिवस सतावतंय…” क्रांती रेडकरचा नवा व्हिडीओ चर्चेत काही दिवसांपूर्वी बाईपण भारी देवाच्या सक्सेस पार्टीचं आयोजन करण्यात आलं होतं. बाईपण भारी देवा चित्रपटात संजय मोने यांची पत्नी अभिनेत्री सुकन्या मोने आणि त्यांची मुलगी ज्युलियाने भूमिका साकारली आहे. या पार्टीत संजय मोने यांनी त्यांच्या करिअरबद्दल खुलासा केला आहे. संजय मोने म्हणाले, मी लिहीतो त्यामुळे लोकांना वाटतं मी अभिनेता बरा आहे. आणि माझं लिखान बघून लोकांना वाटतं मी लेखक बरा आहे आणि या संशयास्पद वातावरणामध्ये गेली ३६ वर्ष आहे. संजय मोनेंच्या या मिश्किल विधानानंतर सगळीकडे एकच हश्या पिकला. हेही वाचा- “खूप खूप श्रीमंत झालेय मी…”, सुकन्या मोनेंच्या पोस्टने वेधलं लक्ष, म्हणाल्या “मोठा पुरस्कार…” संजय मोने यांनी आजवर ‘टाइम बरा वाईट’, ‘पेइंग घोस्ट’, ‘मुंबई टाईम’ ‘क्लासमेट्स’, ‘अ रेनी डे’, ‘मातीच्या चुली’, ‘रिंगा रिंगा’ आणि ‘भो भो’ यांसारख्या अनेक सुपरहिट चित्रपटांमध्ये काम केले आहे. अभिनयासह त्यांना एक उत्तम लेखक म्हणूनही ओळखले जाते. ‘सत्य सावित्री आणि सत्यवा, ‘संशय कल्लोळ’, ‘साडे माडे तीन’, ‘इट्स ब्रेकिंग न्युज’, ‘पक पक पकाक’ या चित्रपटांतील संवाद लिहिले आहेत. याशिवाय रत्नाकर मतकरी दिग्दर्शित ‘इन्वेस्टमेंट’ या पुरस्कार विजेत्या चित्रपटातही त्यांनी महत्त्वाची भूमिका साकारली होती.
