ज्येष्ठ मराठी अभिनेते शरद पोंक्षे हे त्यांच्या अभिनयाबरोबरच वक्तव्यांमुळेही चर्चेत असतात. ते व्याख्यान करतात, त्यांच्या व्याख्यानात ते छत्रपती शिवाजी महाराजांचा एकेरी उल्लेख करतात. त्यामुळे त्यांच्यावर टीका होते. आता या टीकेवर त्यांनी भार्गवी चिरमुलेच्या पॉडकास्टमध्ये बोलताना प्रतिक्रिया दिली. आपण १३ वर्षांची शिवाजी महाराजांना आदराने कसं बोलणार, असं ते म्हणाले. “आपल्या घरात कितीही कचरा असला तरी…”, किरण मानेंची शरद पोंक्षेंच्या मुलीसाठी पोस्ट, म्हणाले “तू त्यांना खोटं हसत…” भागर्वीने शेअर केलेल्या एका शॉर्ट व्हिडीओमध्ये शरद पोंक्षे म्हणतात, "ए पोंक्ष्या, तू काय तुकाराम म्हणतो का रे, जगदगुरू बोल. नुसतं शिवाजी म्हणतोस का रे, आता लहानपणचा १३ वर्षांचा शिवाजी…तर त्याला १३ वर्षांचे गोब्राह्मण प्रतिपालक क्षत्रीय कुलावंत छत्रपती शिवाजी महाराज की जय यांना जीजाबाईंनी घोड्यावर बसायला शिकवलं, असं म्हणणार का आपण? त्यांनी शिवबाला बसवलं घोड्यावर, तलवारबाजी शिकविली. ते छत्रपती झाल्यानंतरही त्यांच्या स्वराज्यातील सामान्य बायका 'माझा शिवबा, माझा शिवबा' असंच म्हणायच्या." पुढे त्यांनी लता मंगेशकर आणि सचिन तेंडुलकर यांचा उल्लेख केला आणि आपण आपुलकीने त्यांना एकेरी संबोधत असतो, असं ते म्हणाले. "आपण भारतरत्न लता मंगेशकर काय अप्रतिम गातायत असं प्रत्येकवेळी म्हणतो का? लता काय गाते यार, असं म्हणतो. म्हणजे आपण त्यांचा अपमान केला का? काय तेंडल्या (सचिन तेंडुलकर) खेळतो रे, भारतरत्न आहे तो पण आपण तेंडल्या म्हणतो. याचा अर्थ हा अपमान असतो का? तर हे समजायची कुवत नाही समोरच्यांची," असं ते या व्हिडीओमध्ये म्हणताना दिसतात.
