मराठी मनोरंजनसृष्टीतील लोकप्रिय अभिनेता म्हणून श्रेयस तळपदे ओळखला जातो. आपल्या अभिनयाच्या जोरावर श्रेयसने प्रेक्षकांच्या मनात वेगळे स्थान निर्माण केले आहे. सध्या श्रेयस त्याचा आगामी चित्रपट ‘ही अनोखी गाठ’ चित्रपटामुळे चर्चेत आहे. मराठीबरोबर हिंदी चित्रपटांमध्ये श्रेयसने आपल्या अभिनयाचा ठसा उमटवला आहे. शाहरुख खान, अक्षय कुमार यांसारख्या बॉलीवूडच्या सुपरस्टारबरोबर श्रेयसने काम केले आहे. एका मुलाखतीत त्याने बॉलीवूड कलाकारांबरोबर काम करताना आलेला अनुभव सांगितला आहे.
श्रेयसने नुकतीच ‘लोकमत फिल्मी’ला मुलाखत दिली. या मुलाखतीत त्याने त्याच्या करिअरबरोबरच वैयक्तिक आयुष्याबाबतही अनेक खुलासे केले आहेत. दरम्यान, श्रेयसने शाहरुख व अक्षय कुमारबरोबर काम करताना आलेला अनुभव शेअर केला आहे. तो म्हणाला, “अक्षय कुमार एक अशी व्यक्ती आहे; जी अभिनय करताना तुमची प्रतिस्पर्धी असते. पण जेव्हा माणूस म्हणून तुम्हाला गरज पडते तेव्हा मित्र म्हणून तो तुमच्या पाठीशी उभा राहतो. इतर कलाकारांपेक्षा त्याच्यात हा गुण जास्त आहे.”
श्रेयस पुढे म्हणाला, “शाहरुखबद्दल बोलायचं झालं, तर शाहरुख हा खूप सुरक्षित कलाकार आहे. आम्ही जेव्हा एकत्र काम करत होतो तेव्हा तो मला सांगायचाही हा पंच तू घे. माझ्या डायलॉगला दोन टाळ्या जास्त पडल्या, तर त्याला लगेच असुरक्षितता वाटत नाही. कारण- तो शाहरुख आहे. त्यामुळे तो बाकीच्यांना सतत प्रेरित करीत असतो आणि चित्रपटासाठी काय चांगलं आहे याचा विचार करीत असतो.”
काही दिवसांपूर्वीच श्रेयसला हृदयविकाराचा झटका आला होता. मुंबईतील नामांकित रुग्णालयात त्याला दाखल करण्यात आले होते. आता श्रेयसच्या तब्येतीत हळूहळू सुधारणा होत असून, त्याने कामावर कमबॅक केले आहे.
श्रेयसच्या कामाबद्दल बोलायचे झाल्यास, आतापर्यंत मालिका, नाटक, चित्रपट यांच्या माध्यमातून तो प्रेक्षकांचे मनोरंजन करीत आला आहे. मराठीबरोबरच बॉलीवूडमध्येही त्याने आपली वेगळी ओळख निर्माण केली आहे. ओम शांती ओम, हाऊसफुल्ल २, इक्बाल यांसारख्या हिंदी चित्रपटांमधील त्याच्या भूमिका चांगल्याच गाजल्या. माझी तुझी रेशीमगाठ या मालिकेतून त्याने मराठी टेलिव्हिजनसृष्टीत पदार्पण केले. या मालिकेला प्रेक्षकांचा भरभरून प्रतिसाद मिळाला. आता त्याची ही अनोखी गाठ हा मराठी चित्रपट प्रेक्षकांच्या भेटीला येणार आहे. १ मार्च रोजी हा चित्रपट प्रदर्शित होणार आहे.
श्रेयसने नुकतीच ‘लोकमत फिल्मी’ला मुलाखत दिली. या मुलाखतीत त्याने त्याच्या करिअरबरोबरच वैयक्तिक आयुष्याबाबतही अनेक खुलासे केले आहेत. दरम्यान, श्रेयसने शाहरुख व अक्षय कुमारबरोबर काम करताना आलेला अनुभव शेअर केला आहे. तो म्हणाला, “अक्षय कुमार एक अशी व्यक्ती आहे; जी अभिनय करताना तुमची प्रतिस्पर्धी असते. पण जेव्हा माणूस म्हणून तुम्हाला गरज पडते तेव्हा मित्र म्हणून तो तुमच्या पाठीशी उभा राहतो. इतर कलाकारांपेक्षा त्याच्यात हा गुण जास्त आहे.”
श्रेयस पुढे म्हणाला, “शाहरुखबद्दल बोलायचं झालं, तर शाहरुख हा खूप सुरक्षित कलाकार आहे. आम्ही जेव्हा एकत्र काम करत होतो तेव्हा तो मला सांगायचाही हा पंच तू घे. माझ्या डायलॉगला दोन टाळ्या जास्त पडल्या, तर त्याला लगेच असुरक्षितता वाटत नाही. कारण- तो शाहरुख आहे. त्यामुळे तो बाकीच्यांना सतत प्रेरित करीत असतो आणि चित्रपटासाठी काय चांगलं आहे याचा विचार करीत असतो.”
काही दिवसांपूर्वीच श्रेयसला हृदयविकाराचा झटका आला होता. मुंबईतील नामांकित रुग्णालयात त्याला दाखल करण्यात आले होते. आता श्रेयसच्या तब्येतीत हळूहळू सुधारणा होत असून, त्याने कामावर कमबॅक केले आहे.
श्रेयसच्या कामाबद्दल बोलायचे झाल्यास, आतापर्यंत मालिका, नाटक, चित्रपट यांच्या माध्यमातून तो प्रेक्षकांचे मनोरंजन करीत आला आहे. मराठीबरोबरच बॉलीवूडमध्येही त्याने आपली वेगळी ओळख निर्माण केली आहे. ओम शांती ओम, हाऊसफुल्ल २, इक्बाल यांसारख्या हिंदी चित्रपटांमधील त्याच्या भूमिका चांगल्याच गाजल्या. माझी तुझी रेशीमगाठ या मालिकेतून त्याने मराठी टेलिव्हिजनसृष्टीत पदार्पण केले. या मालिकेला प्रेक्षकांचा भरभरून प्रतिसाद मिळाला. आता त्याची ही अनोखी गाठ हा मराठी चित्रपट प्रेक्षकांच्या भेटीला येणार आहे. १ मार्च रोजी हा चित्रपट प्रदर्शित होणार आहे.
