Shweta Mahadik : गणेश चतुर्थीच्या निमित्ताने आज देशभरात उत्साहाचं वातावरण आहे. कलाविश्वातील अनेक सेलिब्रिटींच्या घरी लाडक्या बाप्पाचं आगमन झाल्याचं पाहायला मिळत आहे. अशातच एका मराठमोळ्या अभिनेत्रीने तिच्या घरी साकारलेल्या बाप्पाच्या सुबक मूर्तीचा अन् सुंदर देखाव्याचा व्हिडीओ इन्स्टाग्रामवर शेअर केला आहे. याचं सर्वत्र कौतुक करण्यात येत आहे. 'लोकमान्य' चित्रपट व काही मालिकांमध्ये झळकलेली लोकप्रिय अभिनेत्री श्वेता महाडिक सोशल मीडियावर नेहमीच चर्चेत असते. इन्स्टाग्रामवर श्वेता अनेकदा तिच्या क्रिएटिव्ह आयडिया शेअर करत असते. सेलिब्रिटींचे महागडे कपडे घरच्या घरी किंवा कमीत कमी खर्चात कसे शिवायचे, पर्स कशा बनवायच्या, कानातले, डिझानयर कपडे या सगळ्या टिप्स अभिनेत्री तिच्या व्हिडीओतून चाहत्यांना देते. तिच्या भन्नाट कल्पना शक्तीचं सोशल मीडियावर नेहमीच कौतुक केलं जातं. मात्र, सध्या श्वेताने साकारलेल्या बाप्पााच्या मूर्तीचं अन् अप्रतिम देखाव्याचं नेटकऱ्यांसह मनोरंजन विश्वातील कलाकारांनी भरभरून कौतुक केलं आहे. हेही वाचा : ठरलं तर मग : प्रियाचा डाव फसला! पूर्णा आजीचा ‘तो’ निर्णय अन् प्रतिमा-रविराजसह सायलीने केली बाप्पाची पूजा, पाहा प्रोमो श्वेता महाडिकने साकारला सुंदर देखावा श्वेता महाडिकच्या घरी लाडक्या बाप्पाची प्रतिष्ठापना करण्यात आली आहे. परंतु, बाप्पाच्या सजावटीसाठी अभिनेत्रीने गेल्या काही दिवसांपासून प्रचंड मेहनत घेतली आहे. तिने घरच्या घरी स्वत:च्या हाताने गणरायाची सुबक मूर्ती घडवली आहे. एवढंच नव्हे, तर यासाठी श्वेताने घरीच जंगलाचा मोठा देखावा तयार केला आहे. या देखाव्यात ससे, हरणं आणि काही झाडं ठेवून सजावट करण्यात आली आहे. हे सगळं अभिनेत्रीने स्वत: तयार केलं आहे. देखाव्याला जंगलाचं स्वरुप देऊन श्वेताने ( Shweta Mahadik ) साकारलेला बाप्पा त्यात विराजमान झाला आहे. अभिनेत्रीच्या या अफलातून कौशल्याचं सध्या सोशल मीडियावर प्रचंड कौतुक करण्यात येत आहे. हेही वाचा : Bigg Boss Marathi: “इमेज मातीत मिळवली”, अरबाज पटेलवर भडकला रितेश देशमुख; स्पर्धकांना विचारला ‘तो’ प्रश्न अन्… पाहा प्रोमो अभिनेत्री श्वेता महाडिक ( Shweta Mahadik ) हेही वाचा : Bigg Boss Marathi- “निक्की ही आहे तुमची जागा”, रितेशने चांगलंच झापलं; भाऊच्या धक्क्यावरून उठवलं अन् थेट…; ‘त्या’ वक्तव्यावरून मोठा वाद दरम्यान, सीमा घोगळे, सुकन्या मोने, सुरुची अडारकर, जुई गडकरी, रसिका वेंगुर्लेकर या सगळ्या अभिनेत्रींनी श्वेता महाडिकच्या ( Shweta Mahadik ) व्हिडीओवर कमेंट करत तिचं कौतुक केलं आहे.
