मराठमोळा अभिनेता सिद्धार्थ जाधव नेहमी आपल्या विनोदी शैलीतून प्रेक्षकांना हसवत असतो. सिद्धार्थनं आपल्या अभिनयाची छाप बॉलीवूडमध्येही उमटवली आहे. आता काही काळाच्या विश्रांतीनंतर सिद्धार्थ ‘अफलातून’ या चित्रपटातून महाराष्ट्राला खळखळून हसवायला येत आहे. नुकताच या चित्रपटाचा ट्रेलर प्रदर्शित झाला असून नेटकऱ्यांचा याला चांगलाच प्रतिसाद मिळतं आहे.
‘अफलातून’ या चित्रपटात तीन डिटेक्टिव्ह मित्रांची धमाल दाखवण्यात आली आहे. श्री, आदी, मानव असं या तिघा मित्राचं नाव आहे. यातील एक बघू शकत नाही, दुसरा ऐकू शकत नाही, तर तिसरा बोलू शकत नाही. असे हे तिघं मित्र कोट्यवधीची फसवूक झालेल्या दुर्देवी मारिया नावाच्या मुलीची केस हातात घेतात. त्यानंतर ही केस उलगडताना येणाऱ्या अडचणींवर ते कशाप्रकारे मात करतात? हे चित्रपटात रंजक पद्धतीनं दाखवण्यात आलं आहे.
हेही वाचा – “हिंदू धर्माचा अपमान…,” OMG 2 मधील अक्षय कुमारचा लूक पाहून नेटकऱ्यांचा संताप
हेही वाचा – Video: “ते कधीच…,” नितीन गडकरींनी सांगितली शरद पवारांबद्दल खुपणारी गोष्ट
‘धमाल’, ‘टोटल धमाल’ या हिंदी चित्रपटाचे लेखक परितोष पेंटर यांनी ‘अफलातून’च्या लेखनाची व दिग्दर्शनाची धुरा सांभाळली. तसेच त्यांनी या चित्रपटात प्रमुख भूमिकाही साकारली आहे. विशेष म्हणजे या चित्रपटात कॉमेंडी किंग जॉनी लिवर व त्यांचा मुलगा जेसी लिवर एकत्र दिसणार आहे. जॉनी लिवर यांनी ‘नवाब साहब’ ही भूमिका साकारली आहे. तर जेसी लिवर ‘आफताब’च्या भूमिकेत दिसणार आहे.
हेही वाचा – सकीना-तारा सिंहच्या लव्ह स्टोरीमध्ये नाना पाटेकरांची दमदार एंट्री, दिसणार ‘या’ भूमिकेत
साहा अँड सन्स स्टुडिओस् आणि आयडियास द एंटरटेनमेंट कंपनी प्रस्तुत ‘अफलातून’ चित्रपट २१ जुलैला चित्रपटगृहात प्रदर्शित होणार आहे. सिद्धार्थ जाधव, जॉनी लिवर, जेसी लिवर यांच्याव्यतिरिक्त या चित्रपटात श्वेता गुलाटी, जयेश ठक्कर, तेजस्विनी लोणारी, विजय पाटकर, भरत दाभोळकर, रेशम टिपणीस दिसणार आहेत.
