taali fame director ravi jadhav bought new luxurious car shared video on social media दिग्दर्शक रवी जाधव यांनी खरेदी केली इकोफ्रेंडली आलिशान गाडी, किंमत माहितीये का?

दिग्दर्शक रवी जाधव यांनी घेतली नवीन गाडी, पाहा व्हिडीओ...

रवी जाधव यांनी घेतली नवीन कार

मराठी कलाविश्वातील सई ताम्हणकर, अमृता खानविलकर, वैभव तत्त्ववादी, सुव्रत जोशी अशा अनेक कलाकारांनी मराठीसह बॉलीवूडमध्ये स्वत:ची एक वेगळी छाप पाडली आहे. मराठी कलाकारांप्रमाणे दिग्दर्शक रवी जाधव यांनी देखील हिंदी कलाविश्वात नाव कमावले आहे. त्यांच्या नुकत्याच प्रदर्शित झालेल्या ‘ताली’ सीरिजला प्रेक्षकांचा भरभरून प्रतिसाद मिळाला.

हेही वाचा : “आली रे आली”, ‘सिंघम अगेन’मधील दीपिका पदुकोणचा रावडी लूक पाहून रणवीर सिंह भारावला, बायकोचं ‘असं’ केलं कौतुक

दिग्दर्शक रवी जाधव सोशल मीडियावर प्रचंड सक्रिय असतात. त्यांच्या दैनंदिन आणि व्यावसायिक जीवनाची प्रत्येक अपडेट ते इन्स्टाग्रामवर शेअर करत असतात. नुकतीच दिग्दर्शकाने नवीकोरी गाडी खरेदी केली आहे. नवी आलिशान गाडी खरेदी करतानाचा व्हिडीओ त्यांनी सोशल मीडियावर शेअर केला आहे.

हेही वाचा : प्रार्थना बेहेरे झाली उद्योजिका, नणंदेच्या साथीने सुरू केला नवीन व्यवसाय, ब्रॅन्डचं नाव ठेवलंय खूपच खास

रवी जाधव यांनी शेअर केलेल्या व्हिडीओमध्ये त्यांच्या पत्नी मेघना जाधव देखील पाहायला मिळत आहेत. “आमच्या कुटुंबात नवीन आलिशान इकोफ्रेंडली गाडी दाखल झाली आहे” असं कॅप्शन त्यांनी व्हिडीओला दिलं आहे. रवी जाधव सपत्नीक या व्हिडीओमध्ये नव्या गाडीचं ओपनिंग करत आहेत.

https://www.instagram.com/reel/Cyai0zARFdr/?utm_source=ig_web_copy_link

हेही वाचा : Video : अक्षराला घेऊन अधिपती चढणार जेजुरीचा गड, सुरू होणार मास्तरीण बाईंचा संसार, पाहा नवा प्रोमो

रवी जाधव यांनी खरेदी केलेली गाडी पांढऱ्या रंगाची असून या कारचं नाव टोयोटा हायक्रॉस ZX(O) असं आहे. दिग्दर्शकाने गाडीचं नाव कॅप्शनमध्ये नमूद केलं आहे. या गाडीची ऑनलाइन किंमत ३० लाख अधिक टॅक्स म्हणजेच जवळपास ३५ लाख २८ हजारांच्या घरात आहे. दरम्यान, रवी जाधव यांनी नवीन गाडी घेतल्याने नेटकऱ्यांनी जाधव कुटुंबीयांवर शुभेच्छांचा वर्षाव केला आहे.

First published on: 15-10-2023 at 18:50 IST

Web Title: Taali fame director ravi jadhav bought new luxurious car shared video on social media sva 00