डान्सर गौतमी पाटील ही नेहमी कोणत्या ना कोणत्या कारणामुळे चर्चेत असते. ती सोशल मीडियावर सक्रिय आहे. ती अनेकदा तिच्या डान्सचे व्हिडीओ शेअर करत असते. आता तिने तिच्या डान्सचा असाच एक व्हिडीओ इन्स्टाग्राम अकाउंटवर पोस्ट केला आहे. पण या व्हिडीओवर युजर्स कमेंट करून तिला ट्रोल करत आहेत. गौतमी पाटीलने पोस्ट केलेल्या या व्हिडीओमध्ये ती 'दिलदार मनाचा रुबाबदार' या गाण्यावर डान्स करताना दिसत आहे. या व्हिडीओत तिच्याबरोबर तीन लहान मुली देखील याच गाण्यावर डान्स करतात. त्याही मंचावर गौतमीबरोबर तिच्याप्रमाणेच डान्स करताना दिसतात. हा व्हिडीओ पाहून नेटकऱ्यांनी गौतमीवर टीका केली आहे. 'तू नाचलीस ना बास झालं… बाकीच्या मुलींना नको हे करायला लावू.. खरंच,' 'लहान मुली आहेत एवढी तरी अक्कल ठेव', 'तू नाच आणि अजून तुझ्या पुढं १० तयार कर नाचायला… काय जरातरी लाजावं की देशाचं भविष्य नाचवताना,' अशा कमेंट्स काहींनी केल्या आहेत. 'गौतमी ताई तुम्ही नाचा. लहान मुली आहेत हो. विचार करा,' 'आदर्श कोणाकडून घ्यावा हे समजलं पाहिजे,' 'आताची पिढी कशाला नादाला लावतेस,' 'ही शिकवण देता का तुम्ही लहान मुलांना, कुठे चाललाय आपला महाराष्ट्र,' अशा कमेंट्स यावर नेटकऱ्यांनी केल्या आहेत. गौतमी पाटीलच्या व्हिडीओवर नेटकऱ्यांच्या कमेंट्स दरम्यान, यापूर्वीही गौतमीचा असाच एक व्हिडीओ व्हायरल झाला होता. ज्यामध्ये तिच्याबरोबर लहान मुलगी मंचावर डान्स करताना दिसली होती. तिचे हे व्हिडीओ पाहिल्यानंतर लहान मुलींचं तिच्याबरोबर मंचावर नाचणं कितपत योग्य आहे, असा प्रश्न युजर्स विचारत आहेत.
