रितेश देशमुख दिग्दर्शित ‘वेड’ चित्रपटाने संपूर्ण महाराष्ट्राला वेडं करुन सोडलं आहे. प्रदर्शनाच्या पहिल्या दिवसापासूनच हा चित्रपट कोटींची कमाई करत आहे. चित्रपट प्रदर्शित होऊन दहा दिवस झाल्यानंतरही बॉक्स ऑफिसवर ‘वेड’चा बोलबाला कायम आहे.
‘वेड’ चित्रपटाने प्रदर्शनाच्या पहिल्या दिवशी २ कोटी २५ लाख रुपयांची कमाई केली होती. त्यानंतर पहिल्या आठवड्यात २०.६७ कोटींचा गल्ला जमवला. प्रदर्शनाच्या दहाव्या दिवशीही ‘वेड’ची यशस्वी घौडदोड सुरुच आहे. या चित्रपटाने दहाव्या दिवशी तब्बल ५.७० कोटींची कमाई केली आहे. रेकॉर्डब्रेक कमाई करत ‘वेड’ने सैराट चित्रपटालाही मागे टाकलं आहे. एकाच दिवशी सर्वाधिक कमाई करणार हा मराठीतील पहिलाच चित्रपट ठरला आहे.
हेही वाचा>> नवीन गाण्यामुळे ट्रोल झाल्यानंतर अमृता फडणवीसांनी बनवला रील व्हिडीओ, डान्सही केला, म्हणाल्या…
हेही वाचा>> “ट्रॉफीवर नाव कोरल्यावर गर्लफ्रेंडची काय प्रतिक्रिया होती?”, ‘बिग बॉस’ विजेता अक्षय केळकर म्हणाला…
‘वेड’ चित्रपटाला मिळणारा प्रतिसाद पाहून रितेश देशमुख भावूक झाला आहे. रितेशने त्याच्या सोशल मीडियावर खास पोस्ट शेअर केली आहे. या पोस्टमधून त्याने प्रेक्षकांचे आभार मानले आहेत. “प्रेक्षकांचे कोटी कोटी आभार…’वेड’ चित्रपटाला आपलं प्रेम आणि आशिर्वाद असाच लाभू द्या”, असं त्याने पोस्टमध्ये म्हटलं आहे.
हेही वाचा>> ‘वेड’बाबत रितेश देशमुखची मोठी घोषणा; चित्रपटामध्ये होणार मोठे बदल, म्हणाला “२० जानेवारीपासून…”
रितेश देशमुखचा ‘वेड’ हा चित्रपट दाक्षिणात्य चित्रपटाचा रिमेक आहे. या चित्रपटाच्या निमित्ताने त्याने दिग्दर्शन क्षेत्रात पाऊल ठेवलं आहे. जिनिलीया देशमुखनेही चित्रपटातून मराठी चित्रपटसृष्टीत पदार्पण केलं आहे.
