दिग्दर्शक महेश मांजरेकर यांच्या ‘वेडात मराठे वीर दौडले सात’ या ‘बिग बजेट’ ऐतिहासिक चित्रपटाची काही महिन्यांपूर्वी घोषणा झाली. त्यांच्या या आगामी चित्रपटाची सध्या सर्वत्र चर्चा पाहायला मिळत आहे. या चित्रपटात अनेक मातब्बर कलाकार दिसणार आहेत. सध्या या चित्रपटाची संपूर्ण टीम ही जिममध्ये वर्कआऊट करताना दिसत आहे. त्यांचे अनेक फोटो आणि व्हिडीओ व्हायरल होत आहे. नुकतंच अभिनेता उत्कर्ष शिंदेने याबद्दल एक पोस्ट शेअर केली आहे.
अभिनेता उत्कर्ष शिंदे हा सोशल मीडियावर सक्रीय असतो. नुकतंच त्याने या चित्रपटाच्या निमित्ताने उत्कर्षने एक पोस्ट शेअर केली आहे. यात त्याने एक फोटो पोस्ट केला आहे. या फोटोत तो स्वत:, प्रवीण तरडे, जय दुधाणे, विशाल निकम पाहायला मिळत आहे. यात ते सर्वजण उत्तम शरीरयष्टी कमवताना दिसत आहे.
आणखी वाचा : ‘वेडात मराठे वीर दौडले सात’ चित्रपटातून महेश मांजरेकरांचा मुलगा सत्यची एक्झिट? एका व्हिडीओमुळे चर्चांना उधाण
या पोस्टला उत्कर्षने हटके कॅप्शन दिले आहे. “आपला पॅटर्नच वेगळा हाय ,आपण तोडत नाही जोडतो”, असे तो या पोस्टला कॅप्शन देताना म्हणाला.
दरम्यान या चित्रपटात उत्कर्ष शिंदे हा सूर्याजी दांडकर यांची भूमिका साकारणार आहे. या चित्रपटाचं शूटिंग सध्या कोल्हापूरला सुरू आहे. यात अभिनेता हार्दिक जोशी, उत्कर्ष शिंदे, विशाल निकम, जय दुधाणे, सिद्धार्थ जाधव यांच्यासह प्रवीण तरडेही झळकणार आहेत.
