छोट्या आणि मोठ्या पडद्यावर आपलं स्वतंत्र स्थान निर्माण करणारी अभिनेत्री स्पृहा जोशी नेहमी चर्चेत असते. तिच्या अभिनयाबरोबर तिनं लिहिलेल्या कविता चाहत्यांना खूप आवडतात. त्यामुळे तिचा सध्या सुरू असलेला ‘संकर्षण व्हाया स्पृहा’ हा कार्यक्रम प्रेक्षकांच्या चांगलाच पसंतीस उतरला आहे. अशा सर्वगुण संपन्न असलेल्या अभिनेत्रीनं नुकताच एक खुलासा केला आहे. तिला कोणत्या गोष्टीची इनसिक्युरिटी (असुरक्षित) वाटते, यावर ती बोलली आहे.
हेही वाचा – Bigg Boss OTT 2 : ‘वेड’ फेम जिया शंकरची बिग बॉसमधून एक्झिट; पूजा भट्टसह टॉप पाच स्पर्धकांची नावे समोर
‘अमुक तमुक’ या युट्यूब चॅनेलवर नुकतीच अभिनेत्री स्पृहा जोशीची मुलाखत घेण्यात आली. यावेळी तिला विचारलं गेलं की, ‘तुला सगळ्यात जास्त इनसिक्योरिटी कशाची आहे? किंवा तुला कशामुळे इनसिक्योर व्हायला होतं?’
हेही वाचा – “…त्या दिवशी माझा सगळा माज उतरला”; स्पृहा जोशीनं सांगितला अनुभव, म्हणाली…
या प्रश्नाचं उत्तर देताना स्पृहा म्हणाली की, “काहीच न करताना बसणं. माझ्या डोक्याला सतत काहीतरी खाद्य लागतं. नाहीतर मी विचित्र झोनमध्ये जाते. जे माझ्याबरोबर झालं सुद्धा आहे. या दिवसाचं मी काय करू? असं माझं झालंय. त्यामुळे कुठल्याही पद्धतीचं काम मी स्वतःसाठी तयार करत राहते. कोणाशी तरी बोलतं राहते. काहीतरी मार्ग शोधतं राहते.”
हेही वाचा – ‘महाराष्ट्राची हास्यजत्रा’ फेम अभिनेत्री झळकणार ‘सिंधुताई माझी माई’ मालिकेत; दिसणार ‘या’ भूमिकेत
पुढे स्पृहा म्हणाली की, “मला सगळ्यात जास्त इनसिक्युरिटी याची आहे की, मी काहीच करत नाही, मी फक्त घरी बसली आहे. आणि मी घरी बसले की मी फक्त झोपते. मला यात कुठलाच गिल्ट नाहीये. मी मानसिक पुणेकर आहे, मी रोज दुपारी २ ते ४ बंद असते. मग कोणीही असेल. नो एंट्री.”
