सिद्धार्थ चांदेकर सावत्र वडिलांना बाबा नव्हे तर ‘या’ नावाने मारतो हाक; म्हणाला, “त्यांना मी हे नातं…”

अभिनेता सिद्धार्थ चांदेकर नुकताच ‘लोकमत फिल्मी’च्या ‘नो फिल्टर’ या कार्यक्रमात सहभागी झाला होता. तेव्हा त्याला विचारलं की, सावत्र वडिलांना तू अजूनही काका अशी हाक मारतोस. वडिलांची जागा तू त्यांना दिली नाहीस. यामागची नेमकी काय भावना आहे? याच उत्तर देत सिद्धार्थ म्हणाला, “कारण माझ्यासाठी वडील हा विषयचं पूर्णपणे संपला आहे. वडील हा मुद्दाच नाहीये, तो बाजूला ठेवून काका यासाठी मी त्यांना म्हणतो. मी माझ्या सासऱ्यांना देखील काकाचं म्हणतो. त्यांचं पण काही म्हणणं नाही. पण मिताली म्हणते, तू बाबा वगैरे का नाही म्हणतं? मी म्हटलं, मी लहानपणी जे बाबा शेवटचं म्हणून गेलोय तेवढंच. माझ्या आता काही डोक्यातच नाहीये. मी इतर कोणालाही आई म्हणू शकत नाही. म्हणजे ही पण माझ्या आईसारखी आहे, ही पण माझी आई आहे, असं नाही. माझी आई एकच आहे बॉस आणि तेवढीच आहे. तसेच माझे वडील एकच आहेत. ते तेवढेच आहेत आणि ते तेच पूर्णपणे राहणार आहेत. मला दुसऱ्या कोणाला ते नातं नाही द्यावसं वाटतं. कारण मला असं वाटतं की, ते मनापासून होणार नाही.”

आणखी वाचा

मतदारांना आमिषे दाखविण्यास सुरवात; भाईंदरमध्ये मद्य आणि मासळाची साठा जप्त

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

हिंदी मालिकेच्या सेटवर निशिगंधा वाड यांचा अपघात; तातडीने रुग्णालयात केलं दाखल

Sharad Pawar: “मी बोलायला लागलो की पाऊस येतो आणि निकाल…”, शरद पवारांचं सूचक विधान; पावसातल्या ‘त्या’ सभेची पुन्हा चर्चा!

“तुला खूप लोक सांगतील वजन कमी कर, सर्जरी कर, पण…”, हुमा कुरेशीला प्रसिद्ध दिग्दर्शकाने वजनाबद्दल दिलेला सल्ला, म्हणाली…

हळदीच्या पाण्याचे सेवन अन् दुपारच्या जेवणात…; रकुल प्रीत सिंगने सांगितला तिचा डाएट प्लॅन; म्हणाली, “रात्रीचे जेवण…”

“माझे ख्रिश्चन वडील ६ वेळा वैष्णोदेवीला गेले, तर मुस्लीम भाऊ…”; बॉलीवूड अभिनेत्याचा कुटुंबाबद्दल खुलासा

आंतरधर्मीय विवाहामुळे सैफ अली खानला मिळाल्या होत्या धमक्या; स्वतः खुलासा करत म्हणालेला, “आमच्या घराजवळ…”

हेही वाचा – सिद्धार्थ चांदेकरने आईला दुसऱ्या लग्नासाठी ‘असं’ केलं तयार, अभिनेता म्हणाला, “लोक आपलं…”

“मी कोणालाच ताई म्हणतं नाही. माझ्या चुलत बहिणी आहेत, ज्या माझ्याहून मोठ्या आहेत. पण मी त्यांना ताई नाही म्हणून शकत. कारण माझी ताई एकच आहे; जी माझी सख्खी बहीण आहे, असा तो झोन आहे. त्यामुळे त्यांना हे मी नातं देणार नाही किंवा ही त्यांची जागा नाही. कारण माझ्या वडिलांची जागा कोणीच भरून काढू शकत नाही. जसं माझ्या आईची जागा काढू शकत नाही, तसंच वडिलांची जागा देखील आहे आणि ती कोणीही अजिबातच भरून काढू ही नये. ते माझ्या आईने केलं आहे. म्हणून मला दुसऱ्या कोणाला बाबा म्हणावस वाटतं नाही. दुसऱ्या कोणाला आई, ताई म्हणावस वाटतं नाही. असा माझा झोन आहे,” असं सिद्धार्थ म्हणाला.

हेही वाचा – शेजारचे मुद्दाम विचारायचे खोचक प्रश्न; सिद्धार्थ चांदेकर ‘तो’ काळ आठवत म्हणाला…

पुढे सिद्धार्थला विचारलं की, कधी वडिलांना शोधण्याचा प्रयत्न केला नाही? इतका मोठा स्टार झाला आहेस तरीही त्यांनी तुला कधी संपर्क साधला नाही? याविषयी अभिनेता म्हणाला, “नाही. मला त्याची गरज वाटतं नाही.”