Worli Hit And Run Case : ‘वरळी हिट अँड रन’ प्रकरणामुळे सध्या संपूर्ण मुंबई हादरुन गेली आहे. दक्षिण मुंबईतील वरळी परिसरात बीएमडब्ल्यू कारने धडक दिल्यामुळे या अपघातात ४५ वर्षीय कावेरी नाखवा यांचा मृत्यू झाला असून त्यांचे पती ५० वर्षीय प्रदीप नाखवा हे गंभीर जखमी झाले आहेत. तपासानंतर शिवसेनेच्या शिंदे गटाचे उपनेते राजेश शाह यांचा मुलगा मिहीरचा यामध्ये सहभाग असल्याचं समोर आलं आहे.
रविवारी ( ७ जुलै ) पहाटेच्या सुमारास वरळीतील अट्रिया मॉलजवळ ही घटना घडली. यावेळी नाखवा दाम्पत्य दुचाकीवरुन प्रवास करत होतं. ससून डॉक परिसरातून मासे विकत घेऊन ते दोघंही घरी जात होते. यादरम्यान भरधाव वेगाने आलेल्या बीएमडब्ल्यू गाडीने नाखवा यांच्या दुचाकीला धडक दिली. या भीषण अपघातामध्ये प्रदीप नाखवा बचावले परंतु, त्यांच्या पत्नीचा मृत्यू झाला. याप्रकरणी सध्या सर्व स्तरांतून प्रतिक्रिया येत आहेत. या घटनेत मृत पावलेल्या कावेरी नाखवा या मराठी कलाविश्वातील ज्येष्ठ अभिनेते जयवंत वाडकर यांच्या सख्ख्या पुतणी लागत होत्या. त्यामुळे या घटनेबाबत ‘महाराष्ट्र टाइम्स’शी संवाद साधताना वाडकर यांनी आपली प्रतिक्रिया देत आरोपीला फाशीची शिक्षा व्हावी अशी मागणी केली आहे.
अभिनेते जयवंत वाडकर काय म्हणाले?
अभिनेते जयवंत वाडकर म्हणाले, “या आरोपींना कठोर कायदा काढून फाशीची शिक्षा दिली पाहिजे. अशा पद्धतीने गाडी चालवणं ही केवळ विकृती आहे. गाडी चालवणाऱ्या प्रत्येक माणसाला या सगळ्याची जाणीव पाहिजे. आपण गाडीसमोर साधा उंदीर जरी आला तरी थांबतो त्या प्राण्याला वाचवण्याचा प्रयत्न करतो. इथे तर तुमच्या गाडीसमोर एखादी व्यक्ती येते आणि तुम्ही तिला फरफटत घेऊन जाता ही गोष्ट किती वाईट आहे. त्यानंतर गाडी तशीच सोडून पळून जाणं हे आणखी वेदनादायी आहे.”
माझा पोलिसांवर विश्वास – जयवंत वाडकर
“मी शासनाला एवढीच विनंती करेन की, कृपया या आरोपीवर दया दाखवू नका. कारण, तुमच्याकडे सगळे पुरावे आहेत. तो रात्री बारमध्ये दारू प्यायला, अठरा हजारांचं बिल झालं. त्यावेळी मर्सिडीज गाडी होती मग, ही बीएमडब्ल्यू गाडी कुठून आली? त्याची मैत्रीण कोण आहे. याप्रकरणी शासनाने एकालाही सोडता कामा नये. मला पोलिसांवर विश्वास आहे आणि ते योग्य कारवाई करतील याची खात्री आहे. अशा लोकांना सोडू नये असं माझं प्रामाणिक मत आहे कारण, सध्या एका पाठोपाठ एक अशा घटना घडल्या आहेत.” असं जयवंत वाडकर यांनी सांगितलं.
हेही वाचा : Worli Hit and Run Case: मुंबई हिट अँड रन प्रकरणातला आरोपी मिहीर शाह आहे तरी कोण?
“कावेरी माझी सख्खी पुतणी आहे. त्यामुळे याबद्दल मी अजून काय बोलू मला खरंच सुचत नाही. त्या पोरीची आता गणपतीमध्ये खूप आठवण येईल. तिने सगळं कष्ट करून हे उभं केलं होतं. त्यामुळे तिची आठवण मला कायम येत राहणार…” असं सांगत जयवंत वाडकरांनी त्यांच्या भावना व्यक्त केल्या आहेत.
रविवारी ( ७ जुलै ) पहाटेच्या सुमारास वरळीतील अट्रिया मॉलजवळ ही घटना घडली. यावेळी नाखवा दाम्पत्य दुचाकीवरुन प्रवास करत होतं. ससून डॉक परिसरातून मासे विकत घेऊन ते दोघंही घरी जात होते. यादरम्यान भरधाव वेगाने आलेल्या बीएमडब्ल्यू गाडीने नाखवा यांच्या दुचाकीला धडक दिली. या भीषण अपघातामध्ये प्रदीप नाखवा बचावले परंतु, त्यांच्या पत्नीचा मृत्यू झाला. याप्रकरणी सध्या सर्व स्तरांतून प्रतिक्रिया येत आहेत. या घटनेत मृत पावलेल्या कावेरी नाखवा या मराठी कलाविश्वातील ज्येष्ठ अभिनेते जयवंत वाडकर यांच्या सख्ख्या पुतणी लागत होत्या. त्यामुळे या घटनेबाबत ‘महाराष्ट्र टाइम्स’शी संवाद साधताना वाडकर यांनी आपली प्रतिक्रिया देत आरोपीला फाशीची शिक्षा व्हावी अशी मागणी केली आहे.
अभिनेते जयवंत वाडकर काय म्हणाले?
अभिनेते जयवंत वाडकर म्हणाले, “या आरोपींना कठोर कायदा काढून फाशीची शिक्षा दिली पाहिजे. अशा पद्धतीने गाडी चालवणं ही केवळ विकृती आहे. गाडी चालवणाऱ्या प्रत्येक माणसाला या सगळ्याची जाणीव पाहिजे. आपण गाडीसमोर साधा उंदीर जरी आला तरी थांबतो त्या प्राण्याला वाचवण्याचा प्रयत्न करतो. इथे तर तुमच्या गाडीसमोर एखादी व्यक्ती येते आणि तुम्ही तिला फरफटत घेऊन जाता ही गोष्ट किती वाईट आहे. त्यानंतर गाडी तशीच सोडून पळून जाणं हे आणखी वेदनादायी आहे.”
माझा पोलिसांवर विश्वास – जयवंत वाडकर
“मी शासनाला एवढीच विनंती करेन की, कृपया या आरोपीवर दया दाखवू नका. कारण, तुमच्याकडे सगळे पुरावे आहेत. तो रात्री बारमध्ये दारू प्यायला, अठरा हजारांचं बिल झालं. त्यावेळी मर्सिडीज गाडी होती मग, ही बीएमडब्ल्यू गाडी कुठून आली? त्याची मैत्रीण कोण आहे. याप्रकरणी शासनाने एकालाही सोडता कामा नये. मला पोलिसांवर विश्वास आहे आणि ते योग्य कारवाई करतील याची खात्री आहे. अशा लोकांना सोडू नये असं माझं प्रामाणिक मत आहे कारण, सध्या एका पाठोपाठ एक अशा घटना घडल्या आहेत.” असं जयवंत वाडकर यांनी सांगितलं.
हेही वाचा : Worli Hit and Run Case: मुंबई हिट अँड रन प्रकरणातला आरोपी मिहीर शाह आहे तरी कोण?
“कावेरी माझी सख्खी पुतणी आहे. त्यामुळे याबद्दल मी अजून काय बोलू मला खरंच सुचत नाही. त्या पोरीची आता गणपतीमध्ये खूप आठवण येईल. तिने सगळं कष्ट करून हे उभं केलं होतं. त्यामुळे तिची आठवण मला कायम येत राहणार…” असं सांगत जयवंत वाडकरांनी त्यांच्या भावना व्यक्त केल्या आहेत.
