अर्धवट आणि कर्णोपकर्णी मिळालेल्या माहितीच्या आधारे जे सत्य समोर येते, त्या सत्यातून अनेकदा गैरसमजाचेच चित्र निर्माण होते. या गैरसमजुतीमुळे नात्यांमध्ये येणारा मानसिक ताण, त्यातून दुरावा हे स्वाभाविकपणे आलेच. याच ताणाचे दर्शन घडविणारे ‘अर्धसत्य’ हे नाटक नुकतेच रंगभूमीवर आले आहे. पुण्यात त्याचा नुकताच प्रयोगही झाला.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

‘गैरसमजुतीतून निर्माण झालेला ताण सहन करता आला, त्याला योग्य प्रकारे हाताळता आले तर ठीक, नाही तर मग तो उग्र रूप घेतो. आई-मुलाच्या नात्यात वडिलांच्या अकाली निधनानंतर आलेला ताण आणि विक्षिप्त नवऱ्याच्या मरणाला आपणच जबाबदार आहोत, ही बोच घेऊन जगणारी सोशीक स्त्री असा संघर्ष या दोन अंकी नाटकात मांडला आहे,’ अशी माहिती लेखक-दिग्दर्शक नितीन बगवाडकर यांनी दिली.

आणखी वाचा

हेही वाचा >>> नाट्यरंग : ‘कोण म्हणतं टक्का दिला?’ – टक्का टक्का… झुठा झुठा…

बगवाडकर यांच्या या नाटकाने प्रायोगिक रंगभूमीवर पदार्पण केले आहे. नाटकातील शशांकच्या भूमिकेतील अमित नगरकर, तर सुमनच्या भूमिकेतील प्राची देशपांडे एकमेकांना आणि प्रेक्षकांनाही प्रेमळ अनुभूती देतात. गायत्री रास्ते यांनी कुचंबणाग्रस्त आई रंगवली आहे. तर सतीश चौधरी यांनी विक्षिप्त नवऱ्याची भूमिका वठवली आहे. मुलीच्या आईची काळजी घेऊन वावरत असताना, मुलीला समजून घेणाऱ्या आणि समजून सांगणाऱ्या आईमध्ये सीमा पोंक्षे रंग भरतात.

नाटकाचे कथानक दोन कुटुंबामध्ये घडणाऱ्या घटनांमधून पुढे सरकत असताना विक्षिप्त नवऱ्याच्या सान्निध्यात मुलाला शिकवून मोठे करण्याचा आईचा ध्यास तिला संसारात रमायला भाग पडतो. मुलगा मोठा होतो, कमावता होतो, पण त्या दरम्यान विचित्र परिस्थितीत नवऱ्याचे निधन होते. नवऱ्याच्या निधनाला आपणच कारणीभूत असल्याची सल मनात घेऊन जगणाऱ्या तिच्या वागणुकीमुळे मुलाचे लग्नाचे विचार बदलतात. आईची मानसिक अवस्था नक्की कशामुळे बिघडते, तिला काय त्रास होऊ लागतो, तिच्या त्रासामुळे मुलाला काय सहन करावे लागते, मुलाच्या लग्नाचे काय होते, हे या नाटकात दाखविण्यात आले आहे.

नेपथ्य कुणाल शहा यांचे, ध्वनिसंयोजन मदन करजगी, प्रकाशयोजना श्रीकृष्ण देशपांडे, तर रंगमंच व्यवस्था कस्तुरी कुबल यांची आहे. नाटकाची निर्मिती उल्का बगवाडकर यांनी केली आहे.

‘गैरसमजुतीतून निर्माण झालेला ताण सहन करता आला, त्याला योग्य प्रकारे हाताळता आले तर ठीक, नाही तर मग तो उग्र रूप घेतो. आई-मुलाच्या नात्यात वडिलांच्या अकाली निधनानंतर आलेला ताण आणि विक्षिप्त नवऱ्याच्या मरणाला आपणच जबाबदार आहोत, ही बोच घेऊन जगणारी सोशीक स्त्री असा संघर्ष या दोन अंकी नाटकात मांडला आहे,’ अशी माहिती लेखक-दिग्दर्शक नितीन बगवाडकर यांनी दिली.

आणखी वाचा

हेही वाचा >>> नाट्यरंग : ‘कोण म्हणतं टक्का दिला?’ – टक्का टक्का… झुठा झुठा…

बगवाडकर यांच्या या नाटकाने प्रायोगिक रंगभूमीवर पदार्पण केले आहे. नाटकातील शशांकच्या भूमिकेतील अमित नगरकर, तर सुमनच्या भूमिकेतील प्राची देशपांडे एकमेकांना आणि प्रेक्षकांनाही प्रेमळ अनुभूती देतात. गायत्री रास्ते यांनी कुचंबणाग्रस्त आई रंगवली आहे. तर सतीश चौधरी यांनी विक्षिप्त नवऱ्याची भूमिका वठवली आहे. मुलीच्या आईची काळजी घेऊन वावरत असताना, मुलीला समजून घेणाऱ्या आणि समजून सांगणाऱ्या आईमध्ये सीमा पोंक्षे रंग भरतात.

नाटकाचे कथानक दोन कुटुंबामध्ये घडणाऱ्या घटनांमधून पुढे सरकत असताना विक्षिप्त नवऱ्याच्या सान्निध्यात मुलाला शिकवून मोठे करण्याचा आईचा ध्यास तिला संसारात रमायला भाग पडतो. मुलगा मोठा होतो, कमावता होतो, पण त्या दरम्यान विचित्र परिस्थितीत नवऱ्याचे निधन होते. नवऱ्याच्या निधनाला आपणच कारणीभूत असल्याची सल मनात घेऊन जगणाऱ्या तिच्या वागणुकीमुळे मुलाचे लग्नाचे विचार बदलतात. आईची मानसिक अवस्था नक्की कशामुळे बिघडते, तिला काय त्रास होऊ लागतो, तिच्या त्रासामुळे मुलाला काय सहन करावे लागते, मुलाच्या लग्नाचे काय होते, हे या नाटकात दाखविण्यात आले आहे.

नेपथ्य कुणाल शहा यांचे, ध्वनिसंयोजन मदन करजगी, प्रकाशयोजना श्रीकृष्ण देशपांडे, तर रंगमंच व्यवस्था कस्तुरी कुबल यांची आहे. नाटकाची निर्मिती उल्का बगवाडकर यांनी केली आहे.