कलर्स मराठीवरील जीव माझा गुंतला ही मालिका घराघरात लोकप्रिय आहे. या मालिकेने अल्पावधीतच प्रेक्षकांच्या मनात एक वेगळे स्थान निर्माण केले आहे. या मालिकेतील अंतरा आणि मल्हार ही जोडी घराघरात प्रसिद्ध आहे. नुकतंच या जोडीला कलर्स मराठी पुरस्कार सोहळ्यात सर्वोत्कृष्ट जोडीचा पुरस्कार मिळाला आहे. या पुरस्कारानंतर मल्हारची भूमिका साकारणाऱ्या सौरभ चौगुलेने एक भावूक पोस्ट शेअर केली आहे.
सौरभ चौगुले हा सोशल मीडियावर कायमच सक्रीय असतो. कलर्स मराठीवर पुरस्कार सोहळा पार पडल्यानंतर सौरभने इन्स्टाग्रामवर एक पोस्ट शेअर केली आहे. या पोस्टसोबत त्याने पुरस्कार सोहळ्यातील काही फोटोही शेअर केले आहेत. यातील एका फोटोत तो पुरस्कार स्वीकारताना पाहायला मिळत आहे. या फोटोला त्याने भावूक कॅप्शन दिले आहे.
Video : “खंडोबाच्या खंड्या जैशी ज्याची हाय तलवार…”, पाय थिरकायला लावणारं ‘शेर शिवराज’चे पहिले गाणे पाहिलंत का?
सौरभ चौगुलेची पोस्ट
“स्वप्न बघा ते पूर्ण होतात. खरंच! खूप लोक बोले स्वप्नात जगणं सोड. Be practical. अभ्यासात, नोकरी सगळ्या गोष्टीत तुलना झाली. स्वतःवर doubt पण आला की काय करतोय मी, खूप अपयश आलं. खूप रिजेकशन आले.”
“रोज रात्री झोपताना देवाला, नशिबाला खूप कोसलं. सकाळी उठून लक्षात यायचं रात्री पुन्हा तेच स्वप्न पाहिलं आणि आज तेच स्वप्न जगतोय. आई बाबांच्या चेहऱ्यावर अभिमान बघतोय. ही त्या स्वप्नाची छोटी सुरवात आहे खूप लांबचा पल्ला गाठायचंय. आय लव्ह यू मम्मी पप्पा. मिस यू आजोबा..”,अशी पोस्ट सौरभने शेअर केली आहे.
“अमृता माझ्यासाठी एखादी स्टार नाहीस तर…”, अंकिता लोखंडेने शेअर केलेली ‘ती’ पोस्ट चर्चेत
सौरभने शेअर केलेल्या या पोस्टवर अनेक लाईक्स आणि कमेंटस पाहायला मिळत आहे. तसेच त्याची ही पोस्ट प्रचंड चर्चेत असल्याचेही दिसत आहे. विशेष म्हणजे त्याची ही पोस्ट सध्या चांगलीच व्हायरल होत आहे.
