चित्तथरारक ‘होरा’ लवकरच प्रेक्षकांच्या भेटीला

म्युझिक लाँच कार्यक्रमाला प्रमुख पाहूणे म्हणून केंद्रीय मंत्री रामदास आठवले, मोहन जोशी, खासदार अनिल शिरोळे असे अनेक मान्यवर उपस्थित होते. या चित्रपटाचे दिग्दर्शन सिद्धांत घरत व मनोज एरूनकर यांनी केलं असून राहुल म्हात्रे हे निर्माते आहेत. या चित्रपटाविषयी सांगताना अभिनेते अशोक शिंदे म्हणाले, ‘होरा हा स्पॅनिश शब्द आहे. ‘होरा’ म्हणजे ‘वेळ’. एक वाटसरू रात्रीच्या वेळी रस्ता चुकतो आणि एका बंगल्यात मुक्कामासाठी थांबतो. इथूनच सुरू होतो रहस्यमयी सावल्यांचा खेळ. तो वाटसरू कशाप्रकारे होराच्या चक्रव्यूहात अडकतो आणि त्यातून कसा बाहेर पडतो हे यामध्ये दाखवण्यात आलं आहे.’