राम मंदिरासाठी दाक्षिणात्य सुपरस्टार चिरंजीवीची मोठी घोषणा, HanuMan चित्रपटाच्या तिकिटातील पैशातून करणार ‘इतके’ दान

या कार्यक्रमात चिरंजीवीने ‘हनुमान’ चित्रपटाच्या टीमने घेतलेल्या कौतुकास्पद निर्णयाची घोषणा केली. या चित्रपटाच्या तिकिटातील पैशातून राम मंदिरासाठी दान केलं जाणार आहे, असं अभिनेत्याने जाहीर केलं. तेव्हापासून ‘हनुमान’ चित्रपटाच्या टीमचं चहूबाजूने कौतुक केलं जात आहे.

हेही वाचा – Video: “काही कळायच्या आत राज ठाकरे गाडीतून उतरले अन्…”, सिद्धार्थ जाधवने सांगितला खालापूर टोलनाक्यावरील अनुभव

चिरंजीवी कार्यक्रमात ही घोषणा करताना म्हणाला की, अयोध्येतील राम मंदिराची उभारणी हा इतिहासातील एक मैलाचा दगड आहे. मला २२ तारखेला राम मंदिर उद्घाटनासाठी आमंत्रण दिलं असून मी माझ्या कुटुंबांसह उपस्थित राहणार आहे. राम मंदिर उद्घाटनाचं औचित्य साधून ‘हनुमान’ चित्रपटाच्या टीमने एक महत्त्वपूर्ण निर्णय घेतला आहे. चित्रपटाच्या विक्री झालेल्या प्रत्येक तिकिटातून ५ रुपये राम मंदिरासाठी दान करण्याचा निर्णय घेतला आहे. या निर्णयासाठी ‘हनुमान’ टीमला माझ्याकडून हार्दिक शुभेच्छा.

हेही वाचा – “डोळे पाणावले…”, केदार शिंदेंसंबंधित ‘तो’ क्षण पाहून भारावल्या पत्नी बेला शिंदे, म्हणाल्या, “२७ वर्षे…”

‘हनुमान’ चित्रपटात तेजा सज्जा प्रमुख भूमिकेत पाहायला मिळणार आहे. तर विनय राय खलनायकाच्या भूमिकेत झळकणार आहे. तसेच अमृता अय्यर, वरलक्ष्मी सरथकुमार, राज दीपक शेट्टी हे देखील ‘हनुमान’मध्ये महत्त्वाच्या भूमिकेत दिसणार आहेत. १२ जानेवारीला प्रदर्शित होणाऱ्या या चित्रपटाच्या दिग्दर्शन आणि लेखनाची धुरा प्रशांत वर्मा यांनी सांभाळली आहे.