प्रेक्षक आतुरतेने ज्या चित्रपटाची वाट पाहत होते तो लोकप्रिय सुपरस्टार व अभिनेत्याचा बहुचर्चित ‘पीके’ म्हणजे खरेतर राजकुमार हिरानी-आमिर खान या जोडगोळीचा दुसरा चित्रपट आहे. मुख्य प्रवाहातील बॉलीवूड चित्रपटांच्या ‘ट्रेण्ड’ला धक्का देण्याबरोबरच अशा चित्रपटांची गरज अधोरेखित करणारा ‘पीके’ निखळ विनोदी, रोमॅण्टिक आणि हा मसाला असूनही आतापर्यंतच्या रोमॅण्टिक, विनोदी चित्रपटांपेक्षा 
पीके म्हणजे आमिर खानची एक मौल्यवान चीजवस्तू हरवली आहे, कुणीतरी चोरली आहे आणि ती 
एखादा माणूस आपण लोकलमधून जात असताना पाहतो, त्याचे व्यक्तिमत्त्व, त्याचा पेहराव, त्याची स्टाइल पाहून आपण मनातल्या मनात त्याच्याबद्दल काही अंदाज बांधतो तसाच हा सिनेमा आहे. प्रेक्षकांना माहीत असलेले सत्य सांगून प्रेक्षकांचे कान टोचण्याचा प्रयत्न दिग्दर्शकाने कधी संवादांच्या माध्यमातून, विनोदाच्या माध्यमातून उत्तम रीतीने केला आहे. पीके भोजपुरीत बोलतो. जी गोष्ट प्रेक्षकांपर्यंत पोहोचवायची आहे त्यासाठी दिग्दर्शकाने मुख्य व्यक्तिरेखेच्या भोजपुरी भाषेचा आधार घेऊन अफलातून धमाल आणली आहे.
मध्यांतरापर्यंत खिळवून ठेवणाऱ्या या चित्रपटात मध्यांतरानंतर थोडा संथपणा येतो. शेवटच्या प्रसंगातील 
संजय दत्त हा हिरानी यांचा आवडता कलावंत असला तरी या चित्रपटातील भैरोसिंह या भूमिकेसाठी संजय दत्त व्यतिरिक्त कोणताही नट चालला असता. दिग्दर्शकाला जे मांडायचे आहे, प्रेक्षकांपर्यंत ठोसपणे पोहोचवायचे आहे ते पीके या मुख्य भूमिकेद्वारे आमिर खानने संयतपणे पोहोचविले आहे. बावळट, मूर्ख येरागबाळा न वाटता, निरागसता राखून, अतिशय निष्पापपणे पीके लोकांना प्रश्न विचारतो ज्यामुळे चित्रपटातील अन्य व्यक्तिरेखा निरुत्तर होतात आणि प्रेक्षकही निरुत्तर होतो. मिस्टर परफेक्शनिस्ट आमिर खानने सवरेत्कृष्ट अभिनय केला असून त्याला अनुष्का शर्माचीही उत्तम अभिनयाची जोड मिळाली आहे. सौरभ शुक्लानेही तपस्वी ही भूमिका अजरामर केली आहे. वेशभूषा हा या चित्रपटातील महत्त्वाचा विभाग ठरला असून वेशभूषाकारालाही गुण द्यावे लागतील. लेखक-दिग्दर्शकांनी त्यांना जे प्रश्न महत्त्वाचे वाटतात ते फक्त त्यांनी कोणताही आव न आणता पीके या निरागस व्यक्तिरेखेतून मांडले आहेत. त्यांची उत्तरं शोधण्याचे काम खुबीने प्रेक्षकांवर सोपविले आहे. त्यामुळे चित्रपट कुठेही प्रचारकी थाटाचा न बनता अगदी साधेपणा ठेवून पटकथेची मांडणी केली आहे आणि ही मात्रा चांगलीच लागू पडली आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
