अनंत अंबानी व राधिका मर्चेंट यांचा प्री -वेडिंग सोहळा जामनगरमध्ये दिमाखात चालू आहे. शुक्रवारी (१ मार्च रोजी) या सोहळ्याला सुरुवात झाली असून ३ मार्चला या सोहळ्याची सांगता होईल. तिन्ही दिवस या जंगी सोहळ्यात विविध प्रकारचे कार्यक्रम होणार आहेत. पहिल्याच दिवशी रिहानाने पाहुण्यांचं मनोरंजन केलं. यावेळी धाकट्या मुलाच्या लग्नात नीता व मुकेश अंबानी यांनीही रोमँटिक डान्स केला.
अनंत व राधिकाच्या प्री-वेडिंग सोहळ्यात अनेक कलाकार परफॉर्म करणार आहेत. राधिका व अनंतही डान्स करणार आहेत. याचदरम्यान, होणाऱ्या नवरदेवाचे आई-वडील म्हणजेच नीता अंबानी व मुकेश अंबानी यांनी रोमँटिक गाण्यावर डान्स केला. त्यांच्या डान्सचा हा व्हिडीओ खूप चर्चेत आहे. ‘प्यार हुआ, इकरार हुआ’ या आयकॉनिक गाण्यावर दोघांनी डान्स केला.
इशा अंबानी पिरामल नावाच्या फॅनपेजवरून नीता व मुकेश अंबानी यांच्या डान्सचा व्हिडीओ शेअर करण्यात आला आहे. ज्यामध्ये मोठ्या स्क्रीनवर हे दोघेही डान्स करताना दिसत आहेत. या व्हिडीओवर चाहते लाइक्स व कमेंट्सचा वर्षाव करत आहेत.
दरम्यान, अनंत व राधिकाच्या प्री-वेडिंगसाठी जगभरातील निमंत्रित पाहुणे जामनगरमध्ये दाखल झाले आहेत. शाहरुख खान व त्याचे कुटुंब, दीपिका पदुकोण, रणवीर सिंग, आलिया भट्ट, रणबीर कपूर, अर्जुन कपूर, रितेश देशमुख-जिनिलीया देशमुख, करीना व सैफ यांच्यासह अमृता फडणवीस व उद्धव ठाकरेंचे कुटुंबही या सोहळ्यासाठी जामनगरमध्ये आहेत.
