‘मुकद्दर का सिकंदर’  सिनेमा आठवतोय का? या सिनेमात एका सीनमध्ये सडपातळ मुलाची एण्ट्री होते. या सीनमध्ये चोर एका महिलेची पर्स घेऊन पळत असतो तेव्हा हा मुलगा त्या चोरापासून पर्स हिसकावून महिलेला परत देतो. ती महिलाही त्याला आपला मुलगा मानते आणि एका अनाथ मुलाला घर मिळतं. हाच मुलगा पुढे जाऊन चित्रपटात अमिताभ बच्चन दाखवला आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

७० आणि ८० च्या दशकात अमिताभ बच्चन यांचे असे अनेक सिनेमे होते ज्यात हाच मुलगा अमिताभ म्हणून दाखवण्यात आला होता. पण जर तुम्हाला कळलं की हा मुलगा कोण आहे तर तुम्हालाही आश्चर्य वाटेल. या अभिनेत्याचं नाव आहे मयूर राज वर्मा. मयूरने एक बालकलाकार म्हणून सिनेसृष्टीत पदार्पण केले होते. त्याला ‘यंग अमिताभ बच्चन’ असंही संबोधलं जायचं.

आणखी वाचा

मयूर वर्माने ‘मुकद्दर का सिकंदर’ या सिनेमातून सिनेसृष्टीत पदार्पण केले होते. आजही हिट सिनेमांपैकी एक सिनेमा म्हणून ‘मुकद्दर का सिकंदर’चं नाव घेतलं जातं. याच सिनेमामुळे मयूर राज वर्मा म्हणजेच मास्टर मयूर रातोरात स्टार झाला. या बालकलाकाराला प्रचंड लोकप्रियता मिळाली.

या सिनेमानंतर अमिताभ यांच्या प्रत्येक सिनेमात बालकलाकार म्हणून मयूरलाच घेतले जायचे. हळूहळू मयूरची लोकप्रियता वाढत गेली. मयूर तेव्हाच्या जमान्यातला सर्वात जास्त मानधन घेणारा बालकलाकार होता. असं म्हटलं जातं की अँग्री यंग मॅन ही इमेज बनवण्याचं काही श्रेय हे मयुरचंही आहे. कारण मयुर एवढ्या गंभीरतेने आणि तल्लीन होऊन काम करायचा की त्याने साकारलेल्या व्यक्तिरेखा प्रेक्षकांच्या आजही लक्षात आहेत. पण नंतर मयुर एकाएकी बॉलिवूडमधून गायब झाला. अनेक वर्षांमध्ये तो काय करतोय याबद्दल कोणालाच काही माहित नव्हते. तुम्हाला माहितीये का मयुर सध्या कुठे राहतो ते?

मयूर सध्या वेल्समध्ये राहतो. त्याला दोन मुलंही आहेत. वेल्समधला एक नावाजलेला व्यावसायिक अशी मयुरची ओळख आहे. वेल्समध्ये तो आपल्या पत्नीसोबत ‘इंडियाना ‘ रेस्तराँ चालवतो. त्याची पत्नी तिथली नावाजलेली शेफ आहे. याशिवाय मयुर वेल्समधील लोकांना बॉलिवूड जगताची ओळख करून देत आहे. यासाठी तो तिकडे वेगवेगळ्या कार्यशाळा आणि अभिनय शाळांचे आयोजनही करतो. याशिवाय मयुरने उत्तर वेल्समध्ये पर्यटन मंडळासोबत वेल्स अनलिमिटेड नावाची पर्यटन कंपनीही सुरू केली आहे. मयुरच्या या यशाबद्दल जेव्हा अमिताभ यांना कळेल तेव्हा त्यांनाही तितकाच आनंद होईल जेवढा आनंद आज मयुरच्या चाहत्यांना होत आहे.