दाक्षिणात्य अभिनेत्री समांथा रुथ प्रभू सध्या तिच्या आजारपणामुळे चर्चेत आहे. समांथाला मायोसायटिस या गंभीर आजाराचं निदान झालं आहे. काही दिवसांपूर्वी तिने रुग्णालयातील फोटो शेअर करत आपल्याला झालेल्या आजाराबाबत माहिती दिली. समांथाच्या आजाराबाबत समजताच चाहते तिच्या उत्तम आरोग्यासाठी प्रार्थना करत आहेत. आता समांथाचा पूर्वाश्रमीचा पती नागा चैतन्य आणि त्याचे वडील नागार्जुन तिची भेट घेणार आहेत.
समांथाच्या आजाराबाबत कळताच नागा चैतन्य आणि त्याचे वडील नागार्जुन दोघंही अस्वस्थ झाले असल्याचं बोललं जात आहे. आता हे दोघंही तिला भेटणार आहेत. समांथाला खरंच नागा चैतन्य भेटायला येणार का? याबाबत अजूनही त्याने स्वतः प्रतिक्रिया दिलेली नाही.
याआधी नागार्जुन यांचा मुलगा आणि नागा चैतन्याचा भाऊ अखिल अक्कीने समांथाने आजाराबाबत शेअर केलेल्या पोस्टवर कमेंट केली होती. “तुला खूप सारं प्रेम आणि बळ, प्रिय सॅम” असं अखिलने कमेंटच्या माध्यमातून समांथाला म्हटलं. त्याच्या या कमेंटने सगळ्यांचं लक्ष वेधून घेतलं.
आणखी वाचा – Inside Photos : कधीकाळी अगदी लहान घरामध्ये राहणाऱ्या आदेश बांदेकर यांचं आलिशान घर आहे फारच सुंदर, पाहा फोटो
समांथा व नागा चैतन्य यांचा २०१७मध्ये विवाहसोहळा पार पडला. मात्र यांचा सुखी संसार फार काळ टिकू शकला नाही. लग्नाच्या चार वर्षांमध्येच समांथा-नागाने एकमेकांपासून विभक्त होण्याचा निर्णय घेतला. त्यांच्या या निर्णयानंतर संगळ्यांनाचा आश्चर्याचा धक्का बसला होता.
