बॉलिवूडचे ज्येष्ठ अभिनेते धर्मेंद्र सध्या सोशल मीडियावर खूप सक्रिय आहेत. त्यांचे लाखो चाहते आहेत. ते दररोज फोटो आणि व्हिडीओ शेअर करत चाहत्यांच्या संपर्कात राहतात. मात्र, या वेळी एका नेटकऱ्यांने केलेल्या एका पोस्टवर धर्मेंद्र यांनी सडेतोड उत्तर दिले आहे.
एका नेटकऱ्याने धर्मेंद्र आणि त्यांची पत्नी हेमा मालिनी यांची एक जूनी बिडीची जाहिरातीचं पोस्टर शेअर केलं. हे पोस्टर शेअर करत नेटकरी म्हणाला, जेव्हा बिडीची जाहिरात मोठे कलाकार करायचे. या जाहिरातीत एका बाजुला धर्मेंद्र आहेत तर दुसऱ्या बाजुला हेमा मालिनी आहेत. यावर आता धर्मेंद्र यांनी त्यांची प्रतिक्रिया दिली आहे. ते म्हणाले, त्यावेळी लोक कोणाला काही न विचारता काहीही छापायचे…या संधीसाधू लोकांच भल होवो. धर्मेंद्र यांचं हे ट्वीट सोशल मीडियावर प्रचंड व्हायरल झालं आहे.
आणखी वाचा : फ्लॅट, दागिने आणि महागड्या गाड्या दीपिकाची एकूण संपत्ती माहित आहे का?
आणखी वाचा : नवीन वर्षाच्या पहिल्याच दिवशी मलायका झाली बोल्ड, शेअर केला बेडरुममधला व्हिडीओ
दरम्यान, धर्मेंद्र लवकरच रॉकी और रानी या चित्रपटात दिसणार आहेत. या चित्रपटाचं दिग्दर्शन करण जोहर करत आहे. तर या चित्रपटात आलिया भट्ट, रणवीर सिंह, जया बच्चन आणि शबाना आजमी या चित्रपटात दिसणार आहे. धर्मा प्रोडक्शन आणि वायकॉम १८ या चित्रपटाची निर्मिती करत आहेत. तर यंदाच्या वर्षी हा चित्रपट प्रदर्शित होणार आहे.
