बॉलिवूडसह हॉलिवूड गाजवणारी अभिनेत्री म्हणून प्रियांका चोप्राला ओळखले जाते. प्रियांका ही सोशल मीडियावर कायमच सक्रीय असून ती कायमच तिचे विविध फोटो आणि व्हिडीओ शेअर करताना दिसते. प्रियांका आणि निक जोनस यांच्या लग्नाला तीन वर्ष पूर्ण झाली आहेत. जानेवारी महिन्यात प्रियांका चोप्रा आणि निक जोनस यांनी सरोगसीच्या माध्यमातून आई-बाबा झाल्याची गुडन्यूज दिली होती. त्यानंतर आता प्रियांकाने तिच्या इन्स्टाग्रामवर एक फोटो शेअर केला आहे. यात तिने तिला वीकेंड कशाप्रकारे घालवायला आवडतो? याबद्दल सांगितले आहे.
प्रियांका चोप्रा ही नेहमी विविध कारणांमुळे चर्चेत असते. नुकतंच प्रियांका चोप्रा आणि निक जोनस हे आई-बाबा झाले आहे. मात्र काल रविवारचे निमित्त साधत त्यांनी एकमेकांसाठी वेळ काढला. ते दोघेही व्यस्त कामातून वेळ काढून एकत्र लाँग ड्राईव्हसाठी गेले होते. प्रियांकाने याबाबतची एक पोस्ट इन्स्टाग्रामवर शेअर केली आहे.
प्रियांकाने इन्स्टाग्राम स्टोरीवर एक फोटो शेअर केला आहे. त्यात ते दोघेही गाडीत एकमेकांच्या हातावर हात ठेवून बसल्याचे दिसत आहे. हा फोटो शेअर करताना ‘हा माझा आवडता रविवार होता’, असे तिने म्हटले आहे. त्यासोबत तिने लाल रंगाचा हार्ट इमोजीही शेअर केला आहे. सध्या प्रियांकाची ही पोस्ट चांगलीच व्हायरल होत आहे.
प्रियांका चोप्राने काही दिवसांपूर्वी सोशल मीडियावर पोस्ट शेअर करत आई झाल्याची माहिती दिली. तिने सरोगसीद्वारे एका मुलीला जन्म दिला आहे. “आम्ही सरोगसीच्याद्वारे एका बाळाचे स्वागत केले आहे” असे प्रियांकाने सोशल मीडिया पोस्टद्वारे सांगितले होते. त्यानंतर काही दिवसांपूर्वी प्रियांका पहिल्यांदा एका मॅगझिनच्या कव्हर फोटोवर झळकली होती.
