भारतीय उद्योगपती मुकेश अंबानी देशातील सगळ्यात श्रीमंत व्यक्ती आहेत. मुकेश अंबानी आणि त्यांच्या कुटुंबीयांबाबत जाणून घेण्याची सर्वसामान्य माणसांना नेहमी उत्सुक्ता असते. त्यांच्याकडे महागड्या गाड्या आणि आलिशान बंगले आहेत. भारतातील एवढा श्रीमंत व्यक्ती दिवाळी नेमकी कशी साजरी करतो हे जाणून घेण्यासाठी प्रत्येकजण नेहमीच उत्सुक असतो. दरम्यान मुकेश अंबानी यांनी दिवाळीनिमित्त पत्नी नीता अंबानी यांना एक महागडी भेटवस्तू दिली आहे. कोणती? घ्या जाणून
मिळालेल्या माहितीनुसार, मुकेश अंबानी यांनी नीता अंबानींना दिवाळी भेट म्हणून रोल्स-रॉईस कुलीनन बॅज गाडी दिली आहे. कुलीनन ब्लॅक बॅज ही भारतात विकल्या जाणार्‍या सर्वात महागड्या कारपैकी एक आहे. या कारची किंमत १० कोटी पेक्षाही अधिक आहे. मुकेश अंबानी यांची पत्नीला एवढी महागडी भेट देण्याची ही पहिलीच वेळ नाही. याआधी त्यांनी नीता अंबानी यांना अनेक महागड्या भेटवस्तू दिल्या आहेत. २००७ मध्ये त्यांनी नीता अंबानी यांना सुमारे ७५ कोटी रुपयांचे खासगी जेट भेट दिले होते.
मुकेश अंबानी हे भारतातील सर्वात श्रीमंत व्यक्ती आहेत त्यांच्याकडे आलिशान गाड्यांचा संग्रह आहे. यामध्ये रोल्स-रॉयस कलिनन, फैंटम, बेंटले, बेंटायगा, बेंटले फ्लाइंग स्पर्ट, मर्सिडीज एस-क्लास, मेबैक एस६६० गार्ड गाड्या आहेत. या व्यतरिक्त त्यांच्याकडे बीएमडब्ल्यू ७६०एलआई सुरक्षा, रेंज रोवर, मर्सिडीज बेंज जी वैगन्स, एक फेरारी एसएफ ९० स्ट्रैडेल, आणि एक रेयर रोल्स-रॉयस फैंटम ड्रॉपहेड कूपचाही समावेश आहे.
