“अम्मा मला घ्यायला आली आहे”, शेवटचा श्वास घेत इरफान खान म्हणाला

इरफानची पत्नी सुतापा आणि मुलगा बाबिल हे त्याच्या सोबत शेवटच्या क्षणी होते. बॉम्बेटाइम्सने दिलेल्या वृत्तानुसार, सुतापा यांनी सांगितलं की, “इरफान त्याच्या शेवटच्या क्षणी त्याच्या आई बद्दल बोलतं होता. इरफान अचानक मला म्हणाला की, बघ अम्मा या रुममध्येच आहे.”

त्या पुढे म्हणाल्या, “इरफान मला म्हणाला, अम्मा मला घ्यायला आली आहे, बघ. आई, माझ्या बाजूलाचा बसली आहे.” इरफानला वाटतं होतं की त्याची आई त्याच दु:ख कमी करायला आली आहे.

या आधी त्यांचा मुलगा बाबिलने देखील असाच एक खुलासा केला होता. “त्यांचे निधन होण्याच्या दोन-तीन दिवस आधीपासून मी रुग्णालयात होतो. त्यांना काहीच कळत नव्हतं आणि त्यांनी सगळ्यात शेवटी एक गोष्ट सांगितली..त्यांनी फक्त माझ्याकडे पाहिलं, हसले आणि म्हणाले..’मी मरणार आहे’ आणि मी त्यांना म्हणालो नाही ‘तुम्ही मरणार नाही’. त्यानंतर ते पुन्हा हसले आणि झोपले,” असं बाबिल म्हणाला.

इरफान खानने ‘तलवार’, ‘पानसिंग तोमर’, ‘पिकू’, ‘लाइफ ऑफ पाई’, ‘हिंदी मीडियम’ इत्यादी सारख्या अनेक लोकप्रिय चित्रपटांमध्ये मुख्य भूमिका साकारली होती. इरफान खान एक उत्कृष्ट अभिनेता होता, ज्याच्या अभिनयाला आणि त्याच्यासारख्या व्यक्तीला कोणी विसरणार नाही.