“जगात तुझं एकटीचंच लग्न मोडलेलं नाही…,” पूजा भट्ट व नवाजुद्दीन सिद्दिकीच्या पत्नीमध्ये खडाजंगी, म्हणाली, “तुझा शहाणपणा…”

या पर्वामध्ये निर्माती-अभिनेत्री पूजा भट्ट  आणि नवाजुद्दीन सिद्दिकीची पत्नी आलिया सिद्दिकी स्पर्धक म्हणून सहभागी झाल्या आहेत. गेल्या भागातील टास्कदरम्यान त्या दोघींमध्ये चांगलीच खडाजंगी झाली. यादरम्यान पूजा भट्टने नवाजुद्दीनची पत्नी आलियाला चांगलेच खडे बोल सुनावले आहेत. याचं मुख्य कारण म्हणजे काही दिवसांपासून आलिया तिच्या लग्नाविषयी चर्चा करून सर्वांचं लक्ष तिच्याकडे वेधून घेण्याचा प्रयत्न करत आहे.

आणखी वाचा : Bigg boss 16: विजेता स्पर्धक होणार मालामाल, बक्षीस म्हणून मिळणार तब्बल ‘इतके’ लाख

आलिया पूजाच्या विरोधात काहीतरी बोलत होती आणि ते पूजाला कळलं. तेव्हा तिनं येऊन आलियाची चांगलीच शिकवणी घेतली. पूजा म्हणाली, “तुझ्या संसारातील गोष्टी सार्वजनिक करणं आधी थांबव. तुझा शहाणपणा बंद कर. जगात तूच एकटीच अशी नाहीस की जिचं लग्न मोडलं आहे. माझंही लग्न मोडलं आहे. तेव्हा कशावरूनही भांडवल करणं थांबव.”

पुढे पूजा म्हणाली, “केवळ माझंच नाही तर आतापर्यंत अनेक महिलांची लग्नं मोडली आहेत. प्रत्येकीची कारणं वेगवेगळी आहेत. म्हणून त्या रडत बसतात का? आपण आपल्या अडचणींचा इतका बाऊ का करतो; ज्यावरून आपल्याला लोकांनी सिम्पथी द्यावी, असं वाटत असतं. लोकांनी आपल्याला तेव्हा मदत नाही केली, तर मग त्यांच्यावर आपण चिडतो आणि हे करणं चुकीचं आहे.”

हेही वाचा : “मला कॉलर धरून बाहेर काढलं…,” नवाजुद्दीन सिद्दीकीने सांगितला बॉलीवूडमध्ये काम करताना आलेला धक्कादायक अनुभव, म्हणाला…

याचबरोबर त्या खेळामध्ये तू कोणाला नॉमिनेट करणार, असं विचारल्यावर पूजानं आलियाचं नाव घेतलं. मी तिच्याविषयी गेल्या एका आठवड्यापासून खूपच गोंधळलेली आहे. मी तिचं जे व्यक्तिमत्त्व पाहिलं आहे, ते खूप घाबरवून टाकणारं आहे, असं कारण पूजानं दिलं.