अभिनेत्री नेहा पेंडसेने अभिनयाच्या जोरावर मनोरंजन विश्वात स्वत:चं वेगळं स्थान निर्माण केलं. बालपणापासून अभिनय क्षेत्रातील करिअरला सुरुवात केलेल्या नेहाला ‘भाभीजी घर पर है’ या मालिकेमुळे खऱ्या अर्थाने लोकप्रियता मिळाली. नेहाने अनेक मालिका व चित्रपटांत काम केलं आहे. मराठीबरोबरच तिने हिंदी सिनेसृष्टीतही अभिनयाचा ठसा उमटवला.
नेहाने नुकतीच प्लॅनेट मराठीच्या पटलं तर घ्या या कार्यक्रमात हजेरी लावली. या शोमध्ये नेहासह अभिनेता सिद्धार्थ मेननही सहभागी झाला होता. या शोमधील रॅपिड फायर राऊंडमध्ये नेहाला काही व्यक्तींची नावं सांगण्यात आली. त्या व्यक्तींचं वर्णन तिला एका शब्दात करायचं होतं.
हेही वाचा>> स्वरा भास्कर-फहाद अहमदच्या वेडिंग रिसेप्शनचे फोटो व्हायरल, अभिनेत्रीच्या मंगळसूत्राने वेधलं लक्ष
सिद्धार्थ मेननचं नाव घेताच नेहाने “हुशार” असं उत्तर दिलं. जितेंद्र जोशीचं वर्णन नेहाने “मनोरंजनात्मक व्यक्ती” असं केलं. संस्कृती बालुगडेला नेहा “बच्चा” तर अमृता खानविलकरला “पटाका” म्हणाली. कपिल शर्माचं नाव विचारल्यावर नेहाने “चांगली व्यक्ती” असं उत्तर दिलं. “चांगली व्यक्ती पण वाईट सवयी” असंही नेहा पुढे म्हणाली. नेहाने कपिल शर्माबाबत केलेलं हे वक्तव्य सध्या चर्चेत आहे.
हेही वाचा>> Video: “सात समुंदर…” गाण्यावर अनन्यासह थिरकले चंकी पांडे, बापलेकीच्या भन्नाट डान्सचा व्हिडीओ व्हायरल
‘भाभीजी घर पर है’ मालिकेतून घराघरात पोहोचलेल्या नेहाने ‘मे आय कम इन मॅडम’, ‘हसरते’, ‘शू कोई है’ या मालिकांमध्येही काम केलं आहे. याबरोबरच तिने अनेक रिएलिटी शोमध्येही सहभाग घेतला होता. कॉमेडियन कपिल शर्माच्या ‘फॅमिली टाईम विथ कपिल’ या शोमध्येही ती दिसली होती.
