Adult Horror Movies: आजकाल प्रेक्षकांमध्ये हॉरर चित्रपट पाहण्याची क्रेझ वाढली आहे. निर्मात्यांचाही हॉरर चित्रपट म्हणजेच भयपट बनविण्याकडे कल वाढतोय. पण तुम्ही अडल्ट हॉरर सिनेमे पाहिले आहेत का? आज आम्ही तुम्हाला अशाच ५ चित्रपटांबद्दल सांगणार आहोत. हे चित्रपट तुम्ही तुमच्या कुटुंबातील सदस्यांबरोबर पाहू शकणार नाही आणि ते एकट्याने पाहण्याचे तुमचे धाडस होणार नाही. या हॉरर सिनेमांमध्ये तुम्हाला भरपूर रोमान्स पाहायला मिळणार आहे. चला जाणून घेऊया त्या चित्रपटांबद्दल.
स्पेशियस
Species Movie: हा चित्रपट १९९५ साली प्रदर्शित झाला होता. हा एक जबरदस्त सायन्स फिक्शन हॉरर थ्रिलर चित्रपट आहे. या सिनेमात नताशा हेन्स्ट्रिजने मुख्य भूमिका साकारली आहे. चित्रपटाची कथा एका शास्त्रज्ञाभोवती फिरते जो सिल नावाचा अर्धा एलियन आणि अर्धा मानव तयार करतो. प्रयोगशाळेतून निघाल्यावर सिल तिला गरोदर करू शकेल असा पुरुष शोधण्यासाठी निघते. यानंतर काय होते ते पाहून तुम्हाला धक्का बसेल. या चित्रपटाला आयएमडीबीवर ५.९ रेटिंग मिळाले आहे. स्पेशियस तुम्ही प्राइम व्हिडिओवर पाहू शकता.
प्लॅनेट टेरर
Planet Terror on OTT : या चित्रपटात एका छोट्या शहरातील झॉम्बी हल्ल्याची कथा दाखवण्यात आली आहे. ज्यात एक डान्सर व तिचा एक्स बॉयफ्रेंड झॉम्बीशी लढतात. या चित्रपटात अडल्ट सीनदेखील आहेत. हा चित्रपट प्राइम व्हिडीओवर उपलब्ध आहे. या चित्रपटाला आयएमडीबीने ७ रेटिंग दिले आहे.
ब्लडी मर्डर 2: क्लोझिंग कॅम्प
Bloody Murder 2: Closing Camp : हा २००२ मध्ये प्रदर्शित झालेला क्राइम हॉरर चित्रपट आहे. केटी वुड्रफ, केली गुनिंग आणि अमांडा मॅगेरियनसह अनेक स्टार्स यात होते. चित्रपटाची कथा कॅम्प प्लॅसिड पाइन्स येथे कुख्यात सिरीयल किलर ट्रेव्हर मूरहाऊसच्या रक्तरंजित हत्येवर आधारित आहे. यात केटी वुड्रफ तिच्या भावाच्या पावलावर पाऊल ठेवत कॅम्प काउन्सिलर व्हायचं ठरवते. हा चित्रपट तुम्हाला प्राइम व्हिडीओवर पाहता येईल.
Maniac
२०१२ साली प्रदर्शित झालेला हा चित्रपट एका सीरियल किलरभोवती फिरतो. या चित्रपटाला आयएमडीबीवर ६.१ रेटिंग मिळाले आहे. त्यात फ्रँक झिटो काहींचा पाठलाग करतो, त्यांना ठार मारतो. मग तो त्या मृतांचे मृत आईच्या बुटीकसाठी भितीदायक पुतळे बनवतो. या चित्रपटात अशी काही दृश्ये देखील आहेत जी या कथेला रोमांचक बनवतात. हा सिनेमा तुम्हाला यूट्यूबवर पाहता येईल.
फ्रायडे द 13th
Friday The 13th on OTT : ‘Friday the 13th’ हा २००९ मध्ये प्रदर्शित झालेला चित्रपट आहे. यात जेरेड पॅडलेकी, डॅनियल पॅनबेकर, आरोन यू, अमांडा रिगेटी, ट्रॅव्हिस वॅन विंकल व डेरेट मियर्स यांनी महत्त्वाच्या भूमिका केल्या आहेत. यात काही मित्रांची कथा दाखवण्यात आली आहे जे क्रिस्टल लेकच्या जंगलात कॅम्पिंग करायला जातात. तिथे त्यांचा सामना एका व्यक्तीशी होतो जो सर्वांना मारू इच्छितो. हा चित्रपट तुम्हाला एकटं बसून पाहता येणार नाही. या चित्रपटाला आयएमडीबीवर ५.५ रेटिंग मिळाले असून तो प्राइम व्हिडिओवर उपलब्ध आहे.
