ठरलं! ‘या’ दिवशी प्रदर्शित होणार इम्तियाज अलीचा बहुचर्चित चित्रपट ‘अमर सिंह चमकीला’; वाचा कुठे पाहायला मिळणार?

गेल्यावर्षी ‘अमर सिंह चमकिला’ या चित्रपटाचा टीझर सादर करण्यात आला होता, तेव्हापासूनच या चित्रपटाची लोक आतुरतेने वाट बघत होते. नुकतीच या चित्रपटाच्या प्रदर्शनाची तारीख नेटफ्लिक्सने त्यांच्या अधिकृत सोशल मीडिया अकाऊंटच्या माध्यमातून शेअर केली आहे. एक खास व्हिडीओ शेअर करत चित्रपटाचे पोस्टर आणि प्रदर्शनाची तारीख जाहीर करण्यात आली आहे. “माहोल बन जाता था जब वो छेडता था साज, कुछ ऐसा ही था चमकीला का अंदाज.” असं कॅप्शन देत याची प्रदर्शनाची तारीख जाहीर करण्यात आली आहे.

आणखी वाचा

Video: आशू आणि शिवाच्या आयुष्यात दिव्यामुळे नवीन विघ्न? प्रोमो पाहून नेटकऱ्यांनी केली विनंती, म्हणाले, “कृपया आता काही…”

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

फक्त ६ कोटींचे बजेट असलेल्या सिनेमाने कमावलेले ७६ कोटी, तुम्ही पाहिलाय का २८ वर्षांपूर्वीचा ‘हा’ सुपरहिट चित्रपट?

दोन ‘सिक्वेल’च्या घवघवीत यशाने चित्रपटसृष्टीची दिवाळी गोड

“मी तिच्या अंगावर पडलो अन् नीलमने…”, अभिनेत्याने सांगितला ‘हम साथ साथ है’च्या शूटिंगचा किस्सा; म्हणाला, “त्यानंतर सलमानने…”

‘महाराष्ट्राची हास्यजत्रा’च्या सेटवर ‘फुलवंती’ चित्रपटाची चर्चा, प्राजक्ता माळीने शेअर केला व्हिडीओ; पृथ्वीक प्रताप म्हणाला, “मला फुलवंती पेक्षा जास्त…”

‘अबीर गुलाल’ मालिका बंद होणार असल्याचं कळताच अक्षय केळकरला बसला धक्का, म्हणाला, “मला पुन्हा स्ट्रगल…”

‘छावा’नंतर भगवान परशुरामाची भूमिका साकारणार विकी कौशल; सिनेमाचे पहिले पोस्टर आणि जबरदस्त लूक आला समोर

आणखी वाचा : “मीसुद्धा सुशांतसारखं पाऊल उचलणार होतो…”, आयुष्यातील ‘त्या’ खडतर काळाबद्दल विवेक ओबेरॉयचा मोठा खुलासा

सर्वप्रथम हा चित्रपट मोठ्या पडद्यावर येणार होता पण नंतर काही कारणास्तव हा चित्रपट ओटीटीसाठीच बनवायचा निर्णय निर्मात्यांनी घेतला. हा चित्रपट १२ एप्रिलपासून नेटफ्लिक्स या ओटीटी प्लॅटफॉर्मवर पाहायला मिळणार आहे. इम्तियाज अली दिग्दर्शित आणि ए. आर. रहमान यांचं संगीत असलेल्या या चित्रपटात दिलजीत दोसांझ आणि परिणीती चोप्रा मुख्य भूमिकेत दिसणार आहेत.

अमर सिंह चमकिला हे पंजाबच्या आतापर्यंतच्या सर्वोत्तम लाइव्ह स्टेज गायकांपैकी एक मानले जातात. पंजाबच्या छोट्याछोट्या खेड्यातील प्रेक्षकांमध्ये ते खूप लोकप्रिय होते. ज्या पंजाबी खेडेगावात ते लहानाचे मोठे झाले. त्या गावातील जीवनाचा, तिथल्या परंपरेचा, तिथल्या संगीताचा त्यांच्यावर चांगलाच प्रभाव होता. त्यांनी विवाहबाह्य संबंध, वृद्धत्व, मद्यपान, अमली पदार्थांचा वापर आणि पंजाबी पुरुषांचा रागीट स्वभाव यावर बरीच गाणी लिहिली. यामुळे बऱ्याचदा अमर सिंह चमकिला वादाच्या भोवऱ्यातही अडकले.

८ मार्च १९८८ चा दिवस अमर सिंह चमकिलाचे चाहते कधीही विसरू शकत नाहीत. अमर सिंह आपली पत्नी अमरजोतबरोबर एका कार्यक्रमासाठी पंजाबमधील मेहसमपूर येथे येणार होते. पहाटे दोनच्या सुमारास ते त्यांच्या कारमधून निघाले, मात्र कारमधून उतरताच दोघांवर गोळीबार करण्यात आला आणि तिथेच त्या दोघांचा मृत्यू झाला. या घटनेत इतर लोकही जखमी झाले. या प्रकरणात आजवर कुणालाच अटक झालेली नाही. ही घटना शीख दहशतवाद्यांनी घडवून आणल्याचं सांगण्यात येतं पण अद्याप अमर सिंह चमकिला यांची हत्या का झाली? याचं उत्तर मिळालेलं नाही.