Bigg Boss OTT 2 जिंकल्यावर अभिषेकला रुग्णालयात भेटायला का गेला नाही एल्विश यादव? खुलासा करत म्हणाला, “दोघांची बदनामी…”

अभिषेकची प्रकृती ठिक नसून त्याच्यावर उपचार सुरू आहेत. तो लवकरात लवकर बरा व्हावा, यासाठी त्याचे मित्र आणि चाहते प्रार्थना करत आहेत. मनीषा रानी, बेबिका धुर्वे, आलिया सिद्दीकी आणि आशिका भाटिया या बिग बॉसच्या घरातील सदस्यांनी अभिषेकची रुग्णालयात भेट घेतली. पण विजेता एल्विश यादव मात्र अद्याप त्याला भेटायला गेला नाही. यामागचं कारण त्याने सांगितलं आहे.

“सिस्टम हँग केलं ना…”, ‘बिग बॉस ओटीटी’चे विजेता एल्विश यादवची पहिली प्रतिक्रिया, म्हणाला “तुमच्या प्रेमाखातर ट्रॉफी…”

एल्विश यादव म्हणाला, “सोशल मीडियावर अनेक गोष्टी पसरवल्या जात आहेत. दोघांची बदनामी होत आहे. कधी माझ्या टीका होतेय, तर कधी अभिषेकवर. आमची मैत्री संपली असंही म्हटलं जातंय. काही जण म्हणतायत की सर्वजण त्याला हॉस्पिटलमध्ये भेटायला गेले, पण मी का गेलो नाही. त्यांना मी सांगू इच्छितो की मी या चार भिंतीत बंद आहे हे तुम्ही पाहिलेच असेल. मी माझ्या स्वेच्छेने घरात बंद राहणार नाही, कारण मी बिग बॉसच्या घरात राहून आलोय. सुरक्षेच्या कारणांमुळे बिग बॉसच्या लोकांनी मला इथं ठेवलं आहे आणि मी बाहेर जाऊ शकत नाही असं सांगण्यात आलं आहे. मी माझ्या मर्जीने इथे थांबलेलो नाही.”

आणखी वाचा : Bigg Boss OTT 2: ‘बिग बॉस ओटीटी’चे दुसरे पर्व ठरले ऐतिहासिक; पहिल्यांदाच वाइल्ड कार्ड एल्विश यादव ठरला विजेता!

एल्विश पुढे म्हणाला, “मी अभिषेकशी फोनवर बोललो, तो म्हणाला की त्याला डिस्चार्ज मिळाला आहे. मी आज जाणार होतो, पण आज माझ्या खूप मीटिंग्स होत्या. अशातच डिस्चार्ज मिळाल्यावर डायरेक्ट दिल्लीला जात असल्याचं अभिषेकने सांगितलं. मग मी म्हटलं की मी तुला थेट दिल्लीतच भेटेन. कारण तिथे जे प्रोटोकॉल आहेत ते पाळावे लागतात. सर्व काही माझ्या हातात नाही. त्यामुळे कृपया ती गोष्ट नकारात्मकतेने घेऊ नका आणि कोणाचाही द्वेष करू नका.”

Bigg Boss OTT 2च्या महाअंतिम सोहळ्यात सलमान खानने केला खुलासा, म्हणाला, “जेलमध्ये…”

एल्विशने बिग बॉस ओटीटीच्या ८ आठवड्यांच्या खेळात चौथ्या आठवड्यात वाइल्ड कार्ड एन्ट्री घेतली होती. अभिषेक व एल्विश हे टॉप २ सदस्य होते, यापैकी एल्विशने बाजी मारली व ट्रॉफी जिंकली. बिग बॉसच्या इतिहासात पहिल्यांदाच एका वाइल्ड कार्ड स्पर्धकाने शो जिंकला.