ॲटलीच्या दिसण्यावरून कमेंट करण्याबद्दल कपिल शर्माने दिलं उत्तर; म्हणाला, “मेंढरासारखे कोणाचेही…”

नेमकं काय घडलं?

कपिलने ॲटलीला विचारलं, “आता तू मोठमोठ्या निर्मात्यांबरोबर, कलाकारांबरोबर काम करत आहे. त्यामुळे जेव्हा तू एखाद्या स्टारला पहिल्यांदा भेटायला जातो, तेव्हा ॲटली कुठे आहे? असं ते विचारतात का.” यावर ॲटली म्हणाला, “तुमचा प्रश्न मला समजला. मी उत्तर देण्याचा प्रयत्न करेन. ए.आर. मुरुगदास सरांचा मी खरोखर आभारी आहे, कारण त्यांनी माझ्या पहिल्या चित्रपटाची निर्मिती केली. त्यांनी स्क्रिप्ट मागितली, पण मी कसा दिसतोय किंवा मी ते करण्यास सक्षम आहे की नाही हे त्यांनी पाहिलं नाही. त्यांना कथा आवडली. त्यामुळे जगानेही लोकांकडे तसंच पाहावं. तुम्ही कसे दिसता, यावरून तुमच्याबद्दल मतं तयार होऊ नये.”

हेही वाचा – रश्मिका मंदानाने १३ वर्षांनी मोठ्या ‘या’ अभिनेत्याशी केलेला साखरपुडा; ब्रेकअपनंतर आता कसं आहे दोघांचं नातं? जाणून घ्या

कपिल शर्माची व्हायरल क्लिपवर प्रतिक्रिया

कपिलच्या शोमधील ही क्लिप अनेक सोशल मीडिया युजर्सनी शेअर केली आहे. कपिल शर्माने अॅटलीचा लूकवरून अपमान केला? आणि त्याने सडेतोड उत्तर दिलं, असं कॅप्शन देत एका युजरने ही क्लिप शेअर केली आहे. ती पोस्ट रिपोस्ट करत कपिलने लिहिलं, “प्रिय सर, मी या व्हिडीओमध्ये केव्हा आणि कुठे त्याच्या लूक्सबद्दल बोललो हे तुम्ही मला सांगू शकता का? कृपया सोशल मीडियावर द्वेष पसरवू नका. धन्यवाद.” याच पोस्टमध्ये कपिल लोकांना म्हणाला, “तुम्ही स्वतः एपिसोड पाहा आणि ठरवा. मेंढरासारखे कोणाचेही ट्विट फॉलो करू नका.”

हेही वाचा – मुकेश खन्ना यांचा शत्रुघ्न सिन्हांच्या संस्कारावर प्रश्न; भडकलेली सोनाक्षी सिन्हा म्हणाली, “यापुढे काही बोलाल…”

दरम्यान, अॅटली कुमार ‘बेबी जॉन’चा दिग्दर्शक व सहनिर्माता आहे. ‘बेबी जॉन’ हा त्याच्या सुपरहिट चित्रपट ‘थेरी’चा हिंदी रिमेक आहे. ‘थेरी’मध्ये थलपती विजय मुख्य भूमिकेत होता. ‘बेबी जॉन’ मध्ये वरुण धवन, कीर्ती सुरेश आणि वामिका गब्बी यांच्या प्रमुख भूमिका आहेत. हा चित्रपट २५ डिसेंबरला प्रेक्षकांच्या भेटीला येणार आहे.