बॉलिवूड अभिनेत्री करीना कपूरचा नवा चित्रपट ‘जाने जान’ लवकरच प्रेक्षकांच्या भेटीला येणार आहे. त्याचा ट्रेलर ५ सप्टेंबर रोजी प्रदर्शित करण्यात आला. या चित्रपटात करीना कपूरबरोबर ‘पाताल लोक’ फेम जयदीप अहलावत आणि ‘दहाड’ फेम विजय वर्मादेखील मुख्य भूमिकेत आहेत. ‘जाने जान’चे दिग्दर्शन सुजॉय घोष यांनी केले आहे.
हा चित्रपट ‘द डिव्होशन ऑफ सस्पेक्ट एक्स’ या जपानी रहस्य कादंबरीवर आधारित आहे. ट्रेलरची सुरुवात करीना कपूरपासून होते. ज्यामध्ये ती माया डिसूझाच्या भूमिकेत दिसत आहे. व्हिडीओ पाहिल्यावर माया ही एका अतिशय विचित्र अशा रिलेशनशीपमध्ये असल्याचं स्पष्ट होत आहे. तिचा शेजारी नरेन (जयदीप अहलावत) आहे, जो तिचा पाठलाग करतो. विजय वर्मा पोलिस करनच्या भूमिकेत आहे. जे मायाच्या हरवलेल्या पतीचा शोध घेत आहेत.
आणखी वाचा : लालकृष्ण अडवणींच्या मदतीमुळे विधु विनोद चोप्रा ऑस्कर सोहळ्यासाठी जाऊ शकले; नेमका किस्सा जाणून घ्या
करण आणि नरेनला मायावर संशय येतो पण माया दोघांनाही अडकवण्याचा प्रयत्न करते. आता या चित्रपटात नेमकं सत्य कसं उघडकीस येणार हा सस्पेन्स चित्रपट पाहतानाच आपल्याला समजेल. एकूणच या चित्रपटाचं कथानक हे थरारक असणार आणि यात या कलाकारांचा दांडगा अभिनय पाहायला मिळणार हे तर नक्कीच आहे.
करीना, जयदीप आणि विजय हे तिघेही प्रथमच एकत्र काम करत आहेत. तर विद्या बालनचा ‘कहानी’ दिग्दर्शित करणारे सुजॉय घोष हेच याचंही दिग्दर्शन करणार आहेत. करीना कपूरच्या शेवटची ‘लाल सिंह चड्ढा’मध्ये दिसली होती. आमिर खानचा हा चित्रपट बॉक्स ऑफिसवर कमाल दाखवू शकला नाही. करीना ‘जाने जान’मधून ओटीटी विश्वास पदार्पण करणार आहे. हा चित्रपट २१ सप्टेंबरपासून नेटफ्लिक्सवर पाहायला मिळणार आहे.
