“ती माझ्या भूमिका…” सई ताम्हणकरबद्दलच्या प्रश्नावर तेजस्विनी पंडित स्पष्टच बोलली

मराठी अभिनेत्री सई ताम्हणकर आणि तेजस्विनी पंडित या दोघीही एकमेकांच्या चांगल्या मैत्रिणी आहेत. त्या दोघींनी तू ही रे या चित्रपटात एकत्र काम केले आहे. या चित्रपटातील त्यांची केमिस्ट्री चांगलीच रंगली होती. या चित्रपटातील दोघींचेही पात्र चांगलेच चर्चेत राहिले. तेजस्विनीची ‘अथांग’ ही वेबसीरिज काही दिवसांपूर्वीच प्रदर्शित झाली. याच्या निर्मितीची जबाबदारी तेजस्विनीने घेतली आहे. ती यात कोणत्याही भूमिकेत दिसत नसली तरी या वेबसीरिजसाठी तिने पडद्यामागे अनेक जबाबदाऱ्या पार पाडल्या आहेत.
आणखी वाचा : “नागराज मंजुळे आकाशला…” मराठी सिनेसृष्टीतील गटबाजीबद्दल तेजस्विनी पंडित स्पष्टच बोलली

आणखी वाचा

“त्या मावशींनी मला शिव्यांची लाखोली…”, ‘आई कुठे काय करते’ फेम मिलिंद गवळींनी सांगितला किस्सा

महायुतीला सत्ता मिळाली, लाडक्या बहिणींना २१०० रुपये कधीपासून…

“लोक माझ्याकडे बोट दाखवायचे अन्…”, प्रसिद्ध अभिनेत्री घटस्फोटित आई-वडिलांना म्हणाली ‘हट्टी’

“या पाच वर्षांत…”, ‘आई कुठे काय करते’मधील भूमिकेबद्दल मिलिंद गवळींचे मोठे वक्तव्य; म्हणाले, “अनिरुद्धला…”

“मी तिच्या अंगावर पडलो अन् नीलमने…”, अभिनेत्याने सांगितला ‘हम साथ साथ है’च्या शूटिंगचा किस्सा; म्हणाला, “त्यानंतर सलमानने…”

दिवंगत अभिनेत्री श्रीदेवी यांचं कौतुक करत विद्या बालनने व्यक्त केली इच्छा; म्हणाली, “मला त्यांना…”

एका चाहत्याने ऐश्वर्या नारकरांना विचारलं डिनरसाठी, अभिनेत्रीने दिलं जबरदस्त उत्तर; म्हणाल्या…

नुकतंच एका मुलाखतीत तिला सई ताम्हणकरबद्दल प्रश्न विचारण्यात आला. त्यावेळी तिने “दुनियादारी’ या चित्रपटात अभिनेत्री सई ताम्हणकरने शिरीन ही भूमिका साकारली होती. मात्र ही भूमिका मला ऑफर करण्यात आली होती”, असा मोठा गौप्यस्फोट तेजस्विनी पंडितने यावेळी केला. याबरोबरच तिने सईबद्दलही भाष्य केले.

“सई ताम्हणकर आणि मी अनेकदा एकमेकांशी बोलतो. त्यावेळी तिला मी हे अनेकदा सुनवते की सई एकतर तुझ्या भूमिका माझ्याकडे येतात किंवा मग माझ्या भूमिका तुझ्याकडे जातात. अनेकदा तर माझ्याच भूमिका तुझ्याकडे गेल्या आहेत, पण त्याला काही करु शकत नाही. पण काहीही असलं तरीही सई मला एक मुलगी म्हणून आवडतेच. ते तिलाही माहितीच आहे”, असे तेजस्विनी पंडित म्हणाली.

आणखी वाचा : “शिरीन ही भूमिका माझी होती, पण सई ताम्हणकरने…” तेजस्विनी पंडितचा ‘दुनियादारी’बद्दल मोठा गौप्यस्फोट

दरम्यान तेजस्विनी पंडितने आतापर्यंत अनेक चित्रपटात काम केले आहे. केदार शिंदेच्या ‘अगं बाई अरेच्चा’ या चित्रपटातून मराठी सिनेसृष्टीत पदार्पण केलं. त्यानंतर तिने कधीच मागे वळून पाहिलं नाही. नुकतंच तेजस्विनीने  ‘अथांग’ वेबसीरिजची निर्मिती केली आहे. यात तेजस्विनी पंडित, संतोष खेर निर्माते आहेत. यात संदीप खरे, निवेदिता जोशी- सराफ, धैर्य घोलप, भाग्यश्री मिलिंद, उर्मिला कोठारे, ऋतुजा बागवे, दीपक कदम, ओमप्रकाश शिंदे, केतकी नारायण, शशांक शेंडे, योगिनी चौक आणि रसिका वखारकर यांच्या प्रमुख भूमिका आहेत.