मराठीमधील बोल्ड अन् बिनधास्त अभिनेत्री म्हणजे सई ताम्हणकर. तिने अभिनयातदेखील सरस आहोत हे दाखवून दिले आहे. सईने फक्त मराठी चित्रपट, मालिका, वेबसीरिमध्ये अडकून न राहता हिंदी चित्रपटसृष्टीमध्ये पदार्पण केलं आहे. हंटर या चित्रपटातून तिने पहिल्यांदा हिंदीत काम केले आहे. त्यानंतर क्रिती सॅनॉनबरोबर मिमी चित्रपटात झळकली होती. आता तिचा नवा हिंदी चित्रपट लवकर प्रदर्शित होणार आहे.
सईने आपल्या इन्स्टाग्राम अकाऊंटनवरून फोटो शेअर करत ही माहिती दिली. दिग्दर्शक मधुर भांडारकर यांच्या ‘इंडिया लॉकडाउन’ या बहुचर्चित चित्रपटाचे पोस्टर तिने पोस्ट केले आहे. या पोस्टरमध्ये ती कोणत्यागी ग्लॅमर अवतारात नस दिसता साध्य अवतारात दिसत आहे. तिच्याबरोबरीने पोस्टरमध्ये प्रतीक बब्बर, प्रकाश बेलवडी, श्वेता बसू प्रसाद, आहाना कुमराहे कलाकार दिसत आहेत. सगळे एका कुलुपात अडकले आहेत असे दाखवण्यात आले आहे.
श्रीदेवींच्या चित्रपटांच्या रिमेकवर जान्हवी कपूर म्हणाली,”तिचे चित्रपट….”
चित्रपटाच्या नावावरूनच हा चित्रपट नेमका कशावर आधारित असणार आहे हे प्रेक्षकांना समजले आहे. २०२० साली भारतात करोना महामारीमुळे लागलेल्या ताळेबंदीवर हा चित्रपट आधिरीत असणार आहे. विषयांवर भाष्य करणारे दिग्दर्शक म्हणजे मधुर भांडारकर त्यांनी या चित्रपटाचे दिग्दर्शन केले आहे. याआधी त्यांनी चांदनी बार, फॅशन, पेज ३ सारख्या चित्रपटांचे दिग्दर्शन केले आहे.
‘इंडिया लॉकडाउन’ या चित्रपटाची निर्मिती पीईएन स्टुडिओज, मधुर भांडारकरचे भांडारकर एंटरटेनमेंट आणि प्रणव जैन यांच्या पीजे मोशन पिक्चर्सचे डॉ. जयंतीलाल गडा यांनी केली आहे. मधुर भांडारकरबरोबर अमित जोशी आणि आराधना साह यांनी चित्रपटाचे लेखन केले आहे. या चित्रपटाचा प्रीमियर २ डिसेंबर रोजी झी ५ या ओटीटी प्लँटफॉर्मवर होणार आहे.
