November OTT Release List: ऑक्टोबर महिन्यात ब्लॉकबस्टर ‘स्त्री २’, ‘वेदा’, ‘दो पत्ती’ यासह अनेक चित्रपट ओटीटीवर आले. आता नोव्हेंबरमध्ये ओटीटीवर अनेक गाजलेल्या सीरिज व चित्रपट येणार आहे. काही सीरिजचे दुसरे सीझनही प्रेक्षकांचे मनोरंजन करण्यासाठी येणार आहे. या यादीत वरुण धवनच्या ‘सिटाडेल: हनी बनी’ पासून ते ‘द मॅडनेस’पर्यंतच्या कलाकृतींचा समावेश आहे. नोव्हेंबर महिन्यात ओटीटीवर प्रदर्शित होणाऱ्या कलाकृतींच्या यादीवर नजर टाकुयात.
किष्किंधा कांडम
Kishkindha Kandam on OTT: ‘किष्किंधा कांडम’ हा मल्याळम मिस्ट्री थ्रिलर चित्रपट आहे. याचे दिग्दर्शन दिनजीथ अय्याथनने केले आहे. या चित्रपटात आसिफ अली, विजयराघवन आणि अपर्णा बालमुरली मुख्य भूमिकेत आहेत. हा चित्रपट १ नोव्हेंबर रोजी डिस्ने प्लस हॉटस्टारवर प्रदर्शित होईल.
मिथ्या: द डार्कर चॅप्टर
Mithya: The Dark Chapter on OTT: रोहन सिप्पी दिग्दर्शित ‘मिथ्या – द डार्कर चॅप्टर’ ही सायकॉलॉजिकल ड्रामा सीरिज देखील १ नोव्हेंबर रोजी ओटीटी प्लॅटफॉर्म झी 5 वर प्रसारित होणार आहे. ही सीरिज दोन सावत्र बहिणी, जुही (हुमा कुरेशी) आणि रिया (अवंतिका दासानी) यांच्यातील गुंतागुंतीच्या नात्यावर आधारित आहे.
हेही वाचा – हेडफोनशिवाय बघू नका OTT वरील ‘हे’ चित्रपट, बोल्ड कंटेटचा आहे भडीमार
सिटाडेल: हनी बनी
Citadel: Honey Bunny on Prime Video: वरुण धवन व समांथा रुथ प्रभू यांच्या ‘सिटाडेल: हनी बनी’ या सीरिजची चाहते आतुरतेने वाट पाहत आहेत. ही सीरिज प्रियांका चोप्राच्या हॉलीवूड सीरिजचे अडॅप्शन आहे. चाहत्यांना या सीरिजमध्ये भरपूर ॲक्शन पाहायला मिळणार आहे. ७ नोव्हेंबरला प्राइम व्हिडीओवर ही सीरिज प्रदर्शित होईल.
वेट्टैयन
Vettaiyan OTT Release: १० ऑक्टोबर रोजी थिएटरमध्ये प्रदर्शित झालेला ‘वेट्टैयन’ हा चित्रपट पुढील महिन्यात ओटीटीवर प्रदर्शित होण्यासाठी सज्ज आहे. रजनीकांत व अमिताभ बच्चन यांची प्रमुख भूमिका असलेला हा चित्रपट तामिळ भाषेत ७ नोव्हेंबर रोजी प्राइम व्हिडिओवर प्रदर्शित होणार आहे. हा चित्रपट हिंदीत पाहण्यासाठी चाहत्यांना थोडी वाट पाहावी लागू शकते.
धाडस असेल तरच पाहा मन हेलावणारे OTT वरील ‘हे’ तीन चित्रपट, एकावर घालण्यात आली होती बंदी!
विजय 69
Vijay 69 on OTT: अक्षय रॉय दिग्दर्शित ‘विजय 69’मध्ये अनुपम खेर, राज शर्मा आणि अनिर्बन भट्टाचार्य यांच्यासह अनेक स्टार्स दिसणार आहेत. हा चित्रपट ८ नोव्हेंबर रोजी नेटफ्लिक्सवर प्रदर्शित होणार आहे. या चित्रपटाची कथा वयाच्या ६९ व्या वर्षी ट्रायथलॉन स्पर्धेत सहभागी होण्याचा निर्णय घेणाऱ्या व्यक्तीच्या जीवनावर आधारित आहे.
इट एंड्स विथ अस
It Ends with Us on OTT : ‘इट एंड्स विथ अस’ नावाचा हा इंग्रजी चित्रपट एक नव्हे तर दोन ओटीटी प्लॅटफॉर्मवर प्रदर्शित होणार आहे. चाहते प्राइम व्हिडिओ आणि नेटफ्लिक्स या दोन्हीवर हा सिनेमा पाहू शकतील. या सिनेमात एक प्रेमकथा पाहायला मिळणार आहे, पण त्यात एक ट्विस्ट असेल.
बोल्ड कंटेंटमुळे प्रदर्शनावर घालण्यात आली बंदी, ‘हे’ चित्रपट ओटीटीवर आहेत उपलब्ध, वाचा यादी
ये काली काली आंखें: सीझन 2
Yeh Kaali Kaali Ankhein: Season 2 on OTT: ताहिर राज भसीन, श्वेता त्रिपाठी, आंचल सिंग आणि सौरभ यांच्या महत्त्वाच्या भूमिका असलेली सीरिज ‘ये काली काली आंखे: सीझन 2’ पुढील महिन्याच्या शेवटी येणार आहे. पहिला भाग हिट झाल्यानंतर, निर्मात्यांनी त्याचा दुसरा सीझन आणला आहे. ही सीरिज २२ नोव्हेंबर पासून चाहते नेटफ्लिक्सवर पाहू शकतील.
द मॅडनेस
The Madness on OTT: कोलमन डोमिंगोचा शो ‘द मॅडनेस’ २८ नोव्हेंबर रोजी नेटफ्लिक्सवर इंग्रजीमध्ये प्रसारित झाला. यात घनदाट जंगलातील एक मर्डर मिस्ट्री दाखवण्यात आली आहे.
