Panchayat Season 4: ‘प्राइम व्हिडीओ’वरील लोकप्रिय वेब सीरिज ‘मिर्झापूर’चा चित्रपट येणार असल्याची नुकतीच घोषणा करण्यात आली. २०२६ रोजी ‘मिर्झापूर’ सीरिजचा चित्रपट प्रेक्षकांच्या भेटीस येणार आहे. अशातच आता ‘प्राइम व्हिडीओ’ने एक घोषणा करून चाहत्यांमधील उत्सुकता वाढवली आहे. बहुचर्चित आणि लोकप्रिय ‘पंचायत’ सीरिजच्या चौथ्या सीझनची घोषणा झाली असून चित्रीकरणाला देखील सुरुवात झाली आहे. त्यामुळे आता पुन्हा एकदा फुलेरामध्ये पंचायत होणार आहे.
भारतासह २४० देशांमध्ये मनं जिंकणाऱ्या बहुचर्चित कॉमेडी-ड्रामा ‘पंचायत’च्या चौथ्या सीझनच्या चित्रीकरणाचे फोटो ‘प्राइम व्हिडीओ’ने शेअर केले आहेत. या फोटोंमध्ये अभिनेता जितेंद्र कुमार, चंदन रॉय आणि फेजल मलिक दिसत आहेत. द व्हायरल फीवर ( TVF ) ‘पंचायत ४’ ( Panchayat Season 4 ) सीरिजची निर्मिती करत आहे. तर दीपिक कुमार मिश्रा आणि अक्षय विजयवर्गीय यांच्यावर दिग्दर्शनाची धुरा आहे.
हेही वाचा – Video: लाइव्ह कॉन्सर्टमध्ये सोनू निगमच्या समोर अचानक आला मद्यपी अन् मग…; पाहा व्हिडीओ
‘पंचायत ४’ ( Panchayat Season 4 )मध्ये जितेंद्र कुमार, चंदन रॉय, फेजल मलिक यांच्या व्यतिरिक्त रघुबीर यादव, नीना गुप्ता, सांविका, दुर्गेश कुमार, सुनीता राजवार आणि पंकज झा महत्त्वाच्या भूमिकेत झळकणार आहेत. या सीझनमध्ये ओरिजनल स्टारकास्टसह नवीन कलाकार देखील पाहायला मिळणार आहेत.
‘पंचायत ४’ कथा काय असणार? ( Panchayat Season 4 Story )
मागील सीझनची पुढची कथा ‘पंचायत ४’मध्ये ( Panchayat Season 4 ) पाहायला मिळणार आहे. लाडके सचिव जी परीक्षा देण्यासाठी शहरात जातात. याच वेळी प्रधानचे ( नीना गुप्ता) पती रघुवीर यादववर कोणीतरी गोळी झाडतं. हे संपूर्ण प्रकरण राजकारण संबंधित आहे. ‘पंचायत ४’मध्ये हृदयस्पर्शी कथा पाहायला मिळणार आहे. ही कथा भावनिक असणार असल्याचं म्हटलं जात आहे. ‘पंचायत’चा चौथा संपूर्ण सीझन निवडणुकांवर आधारित असणार आहे.
तसंच या सीझनमध्ये विशेषतः तीन कथा असू शकतात. पहिली, निवडणुकीवरून झालेली गदारोळ, दुसरी, सचिव आणि रिंकीची प्रेमकहाणी, नंतर कॅटचा निकाल आणि तिसरा, प्रल्हाद निवडणुकीत सहभाग घेणार की नाही या तीन कथा असू शकते.
‘पंचायत ४’ सीरिज कधी प्रदर्शित होणार? ( Panchayat Season 4 Release Sate )
‘पंचायत’चा पहिला सीझन २०२०मध्ये प्रदर्शित झाला होता. त्यानंतर २०२२मध्ये दुसरा सीझन प्रेक्षकांच्या भेटीस आला होता आणि तिसरा सीझन यंदा प्रदर्शित झाला. त्यामुळे आता ‘पंचायत’चा चौथा सीझन ( Panchayat Season 4 ) २०२६ प्रदर्शित होणार असल्याचं म्हटलं जात आहे.
