राधे माँचा मुलगा हरजिंदर सिंह कलाविश्वात पदार्पण करत आहे. ‘इन्स्पेक्टर अविनाश’ या वेब सीरिजमध्ये हरजिंदर महत्त्वाची भूमिका साकारताना दिसणार आहे. या वेब सीरिजच्या माध्यमातून हरजिंदरने ओटीटीबरोबरच अभिनय क्षेत्रात पदार्पण केलं आहे. ‘इन्स्पेक्टर अविनाश’ या वेब सीरिजमध्ये बॉलिवूड अभिनेता रणदीप हुड्डा मुख्य भूमिका साकारताना दिसणार आहे.
हरजिंदर या वेब सीरिजमध्ये एसटीएफ पोलीस अधिकाऱ्याची भूमिका साकारताना दिसणार आहे. रणदीप हुड्डाबरोबर त्याने या सीरिजमध्ये स्क्रीन शेअर केली आहे. “इन्स्पेक्टर अविनाश एक चांगली वेब सीरिज आहे. या सीरिजमध्ये मी तरुण पोलीस अधिकाऱ्याची भूमिका साकारली आहे. उत्तर प्रदेशातील वाढत्या गुन्ह्यांसाठी त्याची पोलिसांत भरती करण्यात आली आहे. उत्कृष्ट कामगिरीने छाप पाडू इच्छिणाऱ्या एका पोलीस अधिकाऱ्याच्या भूमिकेत मी आहे,” असं हरजिंदर म्हणाला.
हेही वाचा>> Video : विशाखा सुभेदार व नम्रता संभेरावचा अमेरिकेत ‘बहरला हा मधुमास’ गाण्यावर डान्स, व्हिडीओ पाहिलात का?
“मला विविधांगी भूमिका साकारायच्या आहेत. सेलिब्रिटी नाही तर उत्तम कलाकार व्हायचं आहे. मी एका व्यावसायिक कुटुंबातील आहे. माझी स्वप्न साकार करण्यासाठी मला नेहमीच प्रोत्साहन मिळालं आहे. जर अभिनय क्षेत्रात माझं करिअर झालं नाही, तर मी व्यवसाय करेन,” असंही पुढे हरजिंदर म्हणाला. हरजिंदरची ही वेब सीरिज १८ मे रोजी जिओ सिनेमावर प्रदर्शित झाली आहे.
हेही वाचा>> “१५ लोकांनी महिनाभर रोज बलात्कार…”, ‘द केरला स्टोरी’ फेम अदा शर्माचं वक्तव्य, म्हणाली, “प्रेमात…”
दरम्यान, राधे माँ अशी ओळख मिळवलेल्या सुखविंदर कौरने १७व्या वर्षी मोहन सिंह यांच्याबरोबर लग्न केलं. त्यांना हरजिंदर व भूपेंद्र ही दोन मुले आहेत.
